Vishay Hard Trailer : प्रेम सॉफ्ट असलं तरी इथं 'विषय हार्ड' होणार; चित्रपटाचा भन्नाट ट्रेलर रिलीज

अपूर्वा कुलकर्णी- साम टिव्ही

प्रेम, प्रेमाची 12 वर्ष याचा आयाम घेऊन येणारा 'विषय हार्ड 'हा चित्रपट ५ जुलै रोजी प्रेक्षकांच्या भेटीस येत आहे. या चित्रपटात प्रेमातल्या बारा वर्षातील प्रसंग हे अतिशय विनोदी, रंजन आणि कलात्मक पद्धतीनं मांडण्यात आले आहे. या चित्रपटामधून प्रेक्षकांना मानवी जीवनाच्या वेगवेगळ्या रंगांची सफर घडणार आहे. या चित्रपटात पर्ण पेठे ही नायिकेच्या भुमिकेत तर नवखा कलाकार सुमित हा नायकाच्या भुमिकेत प्रथमच पहायला मिळणार आहे.

या चित्रपटातील गीतांचे लेखन नंदकुमार गोरुले, सुदर्शन खोत, साहिल कुलकर्णी यांनी केलं आहे. तर सौरभ प्रभुदेसाई यांनी संकलन केलंय. संदीप गावडे या चित्रपटाचे कार्यकारी निर्माते आहेत.... टीझर आणि गाणी यापूर्वीच प्रदर्शित झालेली आहेत आणि त्यांना प्रेक्षकांचा चांगला प्रतिसाद मिळत असलेलं पहायला मिळतय. अनोख्या प्रेम कथेला फुलवणारा हा चित्रपट प्रेक्षकांना एका बाजूला खळखळून हसवणारा आणि दुसऱ्या बाजूला विचार करायला लावणारा आहे...

या चित्रपटाच्या प्रेमकथेत नायक-नायिकेचं 12 वर्षापासून एकमेकांवर जीवापाड प्रेम आहे.. पण ते प्रेम वाचवायला त्यांच्या कडे फक्त 5 तास आहे.. आणि त्या पाच तासामध्ये विचित्र संकंटाना तोंड देताना त्यांचा होणारा गोंधळ अतिशय मनोरंजक पद्धतीनं या चित्रपटात मांडण्यात आल्याचं ट्रेलरवरून दिसून येतय. त्यामुळं 5 जुलै रोजी प्रदर्शित होणाऱ्या 'विषय हार्ड' या चित्रपटाला प्रेक्षकांचा प्रतिसाद मिळण्याची शक्यता आहे.