Tiger Shroff Firing: गोळीबाराच्या घटनेनंतर मुख्यमंत्र्यांचा थेट पोलीस आयुक्तांना फोन; तासाभरात १५ पथकं तयार, एक संशयित ताब्यात

मुंबईच्या जुहू परिसरात बॉलिवूडचा अभिनेता लेक टायगर श्रॉफच्या कारवर गोळीबार झाल्याची घटना घडली आहे. या हल्ल्याची जबाबदारी कुख्यात बिश्नोई टोळीनं घेतली आहे. या घटनेची माहिती मिळताच मुख्यमंत्री देंवेंद्र फडणवीस यांनी मुंबईच्या पोलीस आयुक्तांना फोन लावत त्वरीत तपास सुरू करण्याचे आदेश दिलेत. यानंतर पोलिसांनी तातडीने तपासाची चक्रे फिरवत घटनेच्या तपासासाठी 15 पथके नेमली. ही पथके आता हल्लोखोरांचा शोध घेणार आहे. हाती आलेल्या माहितीनुसार एका संशियताला ताब्यात देखील घेण्यात आले आहे. याबाबत पोलिसांनी कोणतीच अधिकृत माहिती दिली नाहीये.

रविवारी सायंकाळी सव्वा सात वाजण्याच्या सुमारास पुष्पा नर्सिंग पार्क परिसरात ही घटना घडली. प्राथमिक माहितीनुसार टायगर श्रॉफ मुंबईच्या जुहू भागात फुटबॉल खेळण्यासाठी गेला होता. या हल्ल्याचे अनेक व्हिडिओ देखील व्हायरल होत आहेत. हल्ला होण्याआधी टायगर श्रॉफची कार पार्कच्या बाहेर पडत होती त्यावेळी चाहत्यांचा मोठा गराडा होता.

त्याचवेळी दुचाकीवरून तिघांनी टायगरवर गोळीबार केला. व्हायरल झालेल्या व्हिडिओत दोन हल्लेखोर दिसत आहेत, यातील एकानं तीन ते चार गोळ्या झाडल्या. कारच्या समोर येत हल्लेखोरांनी गोळीबार केला. कारपासून ते फक्त एक फुटाच्या अंतरावर होते.

गोळीबाराचा थेट LIVE Video समोर

टायगर श्रॉफ जुहू परिसरातील एका मैदानात फुटबॉल खेळून आपल्या कारने गेटमधून बाहेर पडत होता. त्याच वेळी तीन जण दुचाकीवरून आले. त्यापैकी दोघांनी कारच्या अगदी समोरून थेट गोळीबार सुरू केला. हल्लेखोरांनी जवळपास ६ ते ७ राऊंड फायर केले. या हल्ल्यात एका हल्लेखोराची रिवॉल्वर ऐनवेळी अडकली. ज्यामुळे टायगर श्रॉफचा जीव वाचला. गोळी मारण्याचा त्याने दोन वेळा प्रयत्न केला. परंतु रिव्हॉल्वर चालत नसल्याचे पाहून तो दुचाकीवर बसला. तिघेही हल्लेखोर काही क्षणात तिथून पसार झाले.