आलियाने (Alia Bhatt) आपल्या अभिनयामुळे आणि लूकमुळे प्रेक्षकांच्या मनावर जादू केली आहे. ती नेहमी प्रेक्षकांसाठी नवनवीन चित्रपटांची मेजवानी घेऊन येत असते. सध्या ती तिचा आगामी चित्रपट 'जिगरा'मुळे चर्चेत आहे. या चित्रपटाला प्रेक्षकांकडून खूप चांगला प्रतिसाद मिळत आहे. या चित्रपटाच्या प्रमोशन दरम्यान आलियाने तिच्या सोबत घडलेला एक खास किस्सा सांगितला आहे.
आलियाने साऊथ सुपरस्टार रामचरणसोबत(Ram Charan) RRR या चित्रपटात काम केलं होत. तेव्हापासून त्यांच्यात चांगली मैत्री पाहायला मिळते. रामचरणने आलिया आणि रणबीरच्या लेकीसाठी म्हणजे राहासाठी (Raha Kapoor) खूप खास गिफ्ट दिलं आहे. आलियाने एका मुलाखतीत सांगितलं की, "रामचरणने एक हत्ती दत्तक घेतला असून त्याने त्या हत्तीला आलियाच्या लेकीचं म्हणजे राहाचं नाव दिलं आहे.
"आलिया पुढे म्हणाली की, "राहाच्या जन्मानंतर मी घराजवळ चालत असताना अचानक माझ्याजवळ कोणीतरी आलं आणि मला म्हणाल तुमच्यासाठी रामचरण सरांनी हत्ती पाठवला आहे, हे ऐकताच मी आश्चर्यचकित झाले. मी लगेच घराजवळ गेले आणि पाहते तर काय आमच्या घराजवळ एक लाकडाचा हत्ती होता. तो खरा हत्ती नव्हता. रामचरणने दत्तक घेतल्यावर जंगलातील एका हत्तीची ती प्रतिकृती होती. त्या हत्तीला राहाचं नाव दिलं होतं. असं गिफ्ट रामचरणने आलिया आणि राहासाठी पाठवले होते. ही गोष्ट कायम माझ्या लक्षात राहील. " आलियाला ही गोष्ट खूप आवडली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.