Alia Bhatt : आलिया भट्टच्या ॲक्शनवर कल्कीचे डायरेक्टर फिदा, भरभरून कौतुक करत म्हणाले...

बॅालिवूडची सुप्रसिद्ध अभिनेत्री आलिया भट्ट (Alia Bhatt) नेहमी तिच्या चित्रपटांमुळे प्रेक्षकांच्या मनावर राज्य करते. तिच्या अभिनयाने चाहते वेडे आहेत. आलिया आता पुन्हा एकदा नवीन चित्रपटातून प्रेक्षकांच्या भेटीला येत आहे. आलियाचा 'जिगरा' (Jigra) हा ॲक्शन ड्रामा चित्रपट ११ ऑक्टोबरला थिएटरमध्ये प्रदर्शित होणार आहे. प्रेक्षकांना हा चित्रपट पाहण्याची खूप उत्सुकता लागली आहे. या चित्रपटात आलिया ॲक्शन मोडमध्ये दिसणार आहे. 'जिगरा' चा टीझर रिलीज झाला आहे. ८ सप्टेंबर रोजी हा ॲक्शन टीझर प्रेक्षकांच्या भेटीला आला आहे. या टीझरमध्ये आलिया एका वेगळ्या लूकमध्ये पाहायला मिळत आहे. या टीझरला प्रेक्षकांनी ही खूप चांगला प्रतिसाद दिला आहे.

आलिया सध्या 'जिगरा' चित्रपटामुळे खूप चर्चेत आहे. टीझरमध्ये आलिया भट्ट आणि वेदांग रैना भाऊ- बहिणीच नातं दाखवल आहे. आलिया आपल्या भावाचे संरक्षण करताना दिसत आहे. जेव्हा तिच्या भावाला परदेशात अधिकाऱ्यांनी अटक केली तेव्हा दुश्मनचा सामना करण्यासाठी ती खास प्रशिक्षण घेते. या टीझरवर अनेक कलाकारांच्या आणि चाहत्यांच्या कमेंट्स पाहायला मिळत आहे. अनेकांनी त्यांचे कौतुक केले आहे. आलियाने आपल्या अभिनयाने सगळ्यांचे मन जिंकले आहे. हा टीझर रिलाज होताच 'कल्की : २८९८ एडी' या चित्रपटाच्या दिग्दर्शकाने आलियाचे खूप कौतुक केले आहे. त्यांना आलियाची भूमिका खूप आवडली आहे. कल्कीचे दिग्दर्शक नाग अश्विन (Nag Ashwin) यांनी आपल्या सोशल मीडियावर स्टोरी शेअर करून आलियाचे कौतुक केले आहे. "खूप छान काम केले आहे. चित्रपटाची आता प्रतीक्षा करू शकत नाही." यातून नाग अश्विनचित्रपट पाहण्यासाठी किती उत्सुक आहेत हे दिसत आहे.

'जिगरा'ची ही कहानी एका बहिणीची आहे. जी बहिण आपल्या भावाला संकटातून सोडवण्यासाठी काहीही करू शकते. अंगावर शहारे आणणारा हा भन्नाट चित्रपट आहे. या टीझरच्या सुरुवातीला, आलिया भट्ट एका बारमध्ये बसलेल्या एका वृद्ध व्यक्तीला स्वतःची आणि तिच्या भावाची गोष्ट सांगताना दिसत आहे. या चित्रपटाच्या 2 मिनिट 49 सेकंदाच्या टीझरमध्ये, वेदांग रैना शेवटचा दिसत आहे. त्याचे मौन टीझरला वेगळ्या वळणावर घेऊन जाते.