Sonu Sood : सोनू सूदला आली सीएम आणि डेप्युटी सीएम होण्याची ऑफर; भीतीने दिला नकार

Sonu Sood offer : कोविड काळात लोकांचा सारथी म्ह्णून ओळखला जाणाऱ्या सोनू सूदने अनेकांना मदत करून प्रेम मिळवले आहे. सोनू सूदने सांगितले की, त्याला मुख्यमंत्री आणि उपमुख्यमंत्री पदाची ऑफर देण्यात आली होती.
Sonu Sood
Sonu Sood Saam Tv
Published On

Sonu Sood : कोरोनाच्या काळात लोकांचा मसिहा म्हणून उदयास आलेल्या सोनू सूदने स्थलांतरित आणि कामगारांना मदत केली. लोकांनी त्याला भरभरून प्रेम दिले होते. याशिवाय सोनू सूदने देश-विदेशात अडकलेल्या लोकांनाही मदत केली होती आणि त्यासाठी त्याला आपली मालमत्ताही गहाण ठेवावी लागली होती. आजही त्याच्या दारात कोणी मदतीसाठी आले तर अभिनेता त्याला रिकाम्या हाताने पाठवत नाही. तो नक्कीच कोणत्या ना कोणत्या प्रकारे मदत करतो. नुकताच सोनू सूदने मोठा खुलासा केला आहे. सोनू सूदने सांगितले की, त्यांना मुख्यमंत्री आणि उपमुख्यमंत्री पदाची ऑफरही आली आहे.

एका मुलाखतीत संवाद साधताना सोनू सूदने सांगितले की, त्याला राजकारणात येण्यासाठी अनेक वेळा चांगल्या ऑफर आल्या, त्याला राज्यसभेच्या जागेची ऑफरही आली होती, पण अभिनेत्याने त्या ऑफर नाकारल्या. सोनू सूदनेही यामागचे कारण सांगितले आहे.

Sonu Sood
Aishwarya Shete : जळगावची वल्लरी होणार मुंबईची कॉर्पोरेट स्त्री, 'पिंगा गं पोरी पिंगा' मालिकेतील ऐश्वर्याच्या नव्या लूकनं वेधलं लक्ष

मुख्यमंत्री आणि उपमुख्यमंत्री ही पदे देण्यात आली.

जेव्हा सोनू सूद लॉकडाऊनमध्ये अडकलेल्या लोकांना मदत करू लागला तेव्हा सर्वांना वाटले की तो हे सर्व करत आहे कारण त्याला राजकारणात यायचे होते. मात्र सोनूचा राजकारणात येण्याचा काहीही उद्देश नसल्याचे त्याने सांगितले. सोनू सूद त्याच्या आगामी 'फतेह' चित्रपटाचे प्रमोशन करत होता. यावेळी त्यांना पुन्हा एकदा राजकारणात येण्याबाबत प्रश्न विचारण्यात आला. यावर अभिनेता म्हणाला, “मलाही मुख्यमंत्री होण्याची ऑफर आली होती. यासाठी मी नकार दिल्यावर मला फक्त उपमुख्यमंत्री होण्याचे सांगण्यात आले.

Sonu Sood
Pravin Tarde-Snehal Tarde: कामासाठी वणवण, भाड्याचे घर, लग्नाला कुटुंबाचा विरोध, अशी आहे प्रवीण तरडे अन् स्नेहलची लव्हस्टोरी

मला राज्यसभेच्या ऑफरही आल्या

सोनू सूद पुढे म्हणाले, “मला राज्यसभेचे सदस्यत्व घेऊन आमच्यात सामील होण्यास सांगितले होते. राजकारणात येण्याची गरजच काय, लढण्याची काय गरज. मला जनसेवा करायला आवडते त्या बदल्यात मला काही मिळावे अशी अपेक्षा नाही. तुम्हाला लोकप्रियता मिळू लागली की तुम्ही जितक्या उंचावर जाल तितकी ऑक्सिजनची पातळी कमी होईल हे विसरता काम नये. बऱ्याच लोकांनी मला सांगितले की इंडस्ट्रीतील मोठे कलाकार या ऑफर्सची स्वप्ने पाहत आहेत आणि तुम्ही ते नाकारत आहात.”

सोनू सूदला राजकारणात येण्याची इच्छा का नाही?

सोनू सूदने राजकारणात न येण्याचे कारणही सांगितले तो म्हणाला, “लोक दोन कारणांसाठी राजकारणात येतात, एकतर पैसा मिळवण्यासाठी किंवा सत्ता मिळवण्यासाठी आणि मला त्यात रस नाही. जर ते लोकांना मदत करण्याबद्दल असेल तर मी ती मदत आधीच करत आहे. मी जात, धर्म, भाषा असा कोणताही भेद न करता मदत करतो. पण राजकारणात आल्यानंतर मला कोणाला तरी उत्तरदायी राहावे लागेल आणि माझे स्वातंत्र्य हिरावून घेतले जाईल अशी भीती वाटते.”

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com