Kinshuk Vaidya : शुभ मंगल सावधान! 'शाका लाका बूम बूम' फेम संजूच्या डोक्यावर पडल्या अक्षता, गर्लफ्रेंडसोबत थाटला संसार

सध्या सर्वत्र लगीनसराईचे वारे वाहू लागले आहेत. मनोरंजन सृष्टीतील कलाकारांच्या लग्नाची धावपळ पाहायला मिळत आहे. काही जण हळदीचे, काही मेहंदीचे तर काही केळवणाचे फोटो सोशल मीडियावर टाकत आहेत.

आता 'शाका लाका बूम बूम' (Shaka Laka Boom Boom ) फेम संजू देखील लग्नबंधनात अडकला आहे. नुकताच संजूची भूमिका साकारणारा अभिनेता किंशुक वैद्यचा विवाह पार पडला आहे. किंशुक वैद्यने आपल्या गर्लफ्रेंड दिक्षा नागपाल (Diksha Nagpal) सोबत लग्नगाठ बांधली आहे.

किंशुक (Kinshuk Vaidya) आणि दिक्षाचा लग्नसोहळा २२ नोव्हेंबर रोजी शुक्रवारी वार पडला. मराठी पद्धतीने त्यांनी लग्नगाठ बांधली. ही दोघही लग्नात पारंपरिक कपड्यांमध्ये दिसले. किंशुक ऑफ व्हाईट रंगाची कुर्ता आणि धोतर परिधान केलं होते. तर दिक्षाने लाल आणि केशरी रंगाच्या नऊवारी साडी नेसली होती. दोघेही एकत्र खुपच छान दिसत होते. त्यांचे लग्नाचे फोटो सध्या सोशल मीडियावर तुफान व्हायरल होत आहेत.

किंशुक आणि दिक्षा अनेक वर्षांपासून एकमेकांना डेट करत होते. त्यांचा गेल्यावर्षी ऑगस्ट महिन्यात साखरपुडा पार पडला. किंशुक वैद्य हा 'शाका लाका बूम बूम' या शोमुळे खूप जास्त प्रसिद्ध झाला. त्यानंतर त्याने अनेक मालिकांमध्ये काम केले आहे.

'एक रिश्ता साझेदारी का' आणि 'राधाकृष्ण' या त्याच्या गाजलेल्या मालिका आहेत. त्याने आपल्या अभिनयाने प्रेक्षकांच्या मनावर राज्य केले आहे. दीक्षाही कोरियोग्राफर आहे. तिने आपल्या डान्सने चाहत्यांना वेड लावले आहे.