Kinshuk Vaidya Engagement: 'शाका लाका बूम बूम फेम' अभिनेत्याने गुपचूप उरकला साखरपुडा; कोण आहे 'संजू'ची होणारी बायको?

टिव्हीवरील लोकप्रिय मालिका 'शाका लाका बूम बूम' ही लोकप्रिय मालिका आहे. लहानांपासून मोठ्यापर्यंत सर्वजण हि मालिका आवडीने पाहायचे. या मालिकेतील संजू या पात्राला प्रेक्षकांची विशेष पसंती मिळाली. याच मालिकेतील संजू म्हणजेच अभिनेता किंशुक वैद्यनं नुकताच साखरपुडा केला आहे. सोशल मीडियावर किंशुकने खास फोटो शेअर करत चाहत्यांना आनंदाची बातमी दिली आहे. किंशुकच्या पोस्टवर त्यांच्या चाहत्यांकडून अभिनंदनाचा वर्षाव होत आहे.

सोशल मीडिया इन्स्टाग्रामवर किंशुकने साखरपुड्याचे फोटो पोस्ट केले आहेत. रोमॅटिंक अंदाजात दोघांनीही एकमेकांचे हात पकडले आहेत. निळ्या रंगाच्या मॅचिंग ड्रेसमध्ये दोघेही फारच सुंदर दिसत आहेत. तर दुसऱ्या फोटोत या दोघांनीही एकमेकांना घातलेली साखरपुड्याची अंगठी दाखवली आहे. सोशल मीडियावर किंशुकच्या पोस्टवर चाहत्यांकडून लाईक्स येत आहेत.

अभिनेता किंशुक वैद्यने कोरियोग्राफर दीक्षा नागपाल हिच्यासोबत साखरपुडा केला आहे. किंशुक वैद्य आणि दीक्षा नागपाल बऱ्याच वर्षापासून एकमेकांना डेट करत होते. आता या दोघांनीही साखरपुडा केला आहे. किंशुकने शेअर केलेल्या या फोटोंवर त्यांच्या चाहत्यांकडून अनेक सेलिब्रिटींनी या जोडप्यांना पुढील आयुष्यासाठी शुभेच्छा दिल्या आहेत.