Poonam Pandey: पूनम पांडे दिसणार मंदोदरीच्या भूमिकेत; भाजप अन् विश्व हिंदू परिषदेचा विरोध, केली मोठी मागणी

दिल्लीच्या रामलीला सादरीकरणात अभिनेत्री पूनम पांडे मंदोदरीची भूमिका साकारणार आहे. रामलीला समितीच्या आयोजकांनी पूनम पांडेची निवड केली आहे. रावणाची पत्नी मंदोदरीची भूमिका अभिनेत्री पूनम पांडे साकारणार असल्याने अनेकांच्या भुवया उंचावल्या आहेत. भाजप आणि विश्व हिंदू परिषदेने अभिनेत्री पूनम पांडेच्या भूमिकेवर आक्षेप घेतला आहे. त्यांनी समितीला पूनम पांडेच्या जागी दुसऱ्या अभिनेत्रीची मागणी केली आहे.

भाजप आणि विश्व हिंदू परिषदेने दिल्ली रामलीला समितीला पत्र पाठवले आहे. पत्रामध्ये त्यांनी, लव कुश रामलीला ही देशभरात ओळखली जाते. ज्यामध्ये मोठ्या संख्येने भाविक, लोक सहभागी असतात. 'अभिनेत्री पांडे गेल्या अनेक वर्षापासून छोट्या पडद्यापासून दूर आहे. तर सोशल मीडियावर देखील अभिनेत्री तिच्या फोटो आणि व्हिडीओमुळे वादात असते. असे पत्रात म्हटलं आहे.' माहितीनुसार, पूनम पांडेची भूमिका 29,30 सप्टेंबर रोजी होणार असून आयोजक यावर चर्चा करून निर्णय घेतील असं लव कुश रामलीला समितीचे अध्यक्षांनी म्हटलं आहे.

नवरात्रीच्या पहिल्या दिवशी म्हणजेच आजपासून १ ऑक्टोबरपर्यंत दिल्लीत भव्य रामलीला सादरीकरण सुरू आहे. यामध्ये सेलिब्रिटींचाही सहभाग आहे. दिल्लीच्या प्रसिद्ध लाल किल्ला मैदानावर लव कुश रामलीला होणार आहे. जी सर्वात लोकप्रिय रामलीलांपैकी एक आहे. लव कुश रामलीलामध्ये, चित्रपट अभिनेता किंशुक वैद्य भगवान श्री रामची भूमिका साकारणार आहे. डॉ. राजन शर्मा लक्ष्मणची भूमिका साकारणार आहे. अभिनेत्री रिनी आर्य माता सीतेची भूमिका साकारणार आहे.