महाराष्ट्राचे उपमुख्यमंत्री अजित पवार यांचे निधन झाले.
राष्ट्रवादी काँग्रेसचे ज्येष्ठ नेते अजित पवार यांचे विमान अपघातात निधन झाले.
अजित पवार यांच्या निधनाची माहिती समजताच भाजप खासदार कंगना रणौत यांनी प्रतिक्रिया देत दुःख व्यक्त केले आहे.
अवघ्या महाराष्ट्रावर शोककळा पसरली आहे. महाराष्ट्राचे उपमुख्यमंत्री आणि राष्ट्रवादी काँग्रेसचे ज्येष्ठ नेते अजित पवार यांचे विमान अपघातात निधन झाले आहे. ही दुःखद घटना आज (28 जानेवारी 2026) सकाळी घडली. बारामती विमानतळावर लँडिंग दरम्यान तांत्रिक बिघाडामुळे विमान कोसळले. या भीषण दुर्घटनेत अजित दादांनी अखेरचा श्वास घेतला. अजित पवार यांच्या निधनाची बातमी समजताच मनोरंजन सृष्टीतून कलाकार दुःख व्यक्त करत आहे.
बॉलिवूड आणि मराठी इंडस्ट्रीतून कलाकार सोशल मीडियाच्या माध्यमातून पोस्ट करून दुःख व्यक्त करत आहे. अजित दादांच्या निधनाने सर्वांनाच मोठा धक्का बसला आहे. आता यावर भाजप खासदार कंगना रणौत यांनी देखील आपली प्रतिक्रिया दिली आहे. ज्याचा व्हिडीओ समोर आला आहे. ANI ने शेअर केलेल्या व्हिडीओमध्ये कंगना रणौत या प्रतिक्रिया देताना दिसत आहे. त्यांना ही खूप मोठा धक्का बसला आहे.
कंगना रणौत म्हणाल्या की, "ही खूपच धक्कादायक बातमी आहे... हे दुःख व्यक्त करण्यासाठी शब्द अपुरे पडत आहेत..."(This is such horrible news...There are not enough words to express...)
अजित पवारांच्या जाण्याने महाराष्ट्राने एक कार्यक्षम नेता गमावला आहे. बारामतीसह संपूर्ण पुण्यात शांतता पसरली आहे. त्यांच्या पश्चात पत्नी सुनेत्रा पवार आणि मुले पार्थ व जय असा परिवार आहे. मिळालेल्या माहितीनुसार, अजित पवार मुंबईहून एका खासगी विमानाने बारामतीकडे येत होते. अजित पवार यांच्या विमानाचा अपघात झाल्याची माहिती मिळताच पवार कुटुंबाने बारामतीकडे धाव घेतली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.