पिंपरी चिंचवडमध्ये अजित दादा की महेश दादा सुरुवातीचे आकडे काय सांगता? VIDEO

महाराष्ट्रातील 29 महानगरपालिकांसाठी काल मतदान पार पडलं. त्यानंतर आज निकाल जाहीर होत आहे. सकाळी 10 वाजेपासून सर्वत्र मतमोजणीला सुरुवात झाली असून मुंबई वगळता राज्यातल्या इतर सर्व महापालिकांमध्ये बहुसदस्यीय प्रभाग रचना आहे. बहुतांश प्रभाग हे 4 सदस्यीय असून काही प्रभाग 3 किंवा 5 सदस्यीय आहेत. राज्यातील 29 महापालिकांमध्ये आरोप-प्रत्यारोपांच्या प्रचंड फैरी झडल्यानंतर मतदारराजाने त्याचा कौल 'ईव्हीएम' मध्ये बंद केला आहे. कोणत्या राजकीय पक्षांना आणि नेत्यांना हसण्याची संधी मिळते आणि कोणाला हादरे बसतात याचा फैसला आज होणाऱ्या मतमोजणीद्वारे होणार आहे. उपमुख्यमंत्री अजित पवार यांच्या बालेकिल्ल्यात दोन्ही राष्ट्रवादीचे 8 आणि भाजपचे ही 8 उमेदवार हे आघाडीवर आहेत. या ठिकाणी भाजप आमदार महेश लांडगे आणि अजित पवार यांच्यामध्ये जोरदार आरोप प्रत्यारोप पाहायला मिळाले.