Mahadev App Case: महादेव बेटिंग अ‍ॅप घोटाळा प्रकरण, १००० कोटींची केली होती शेअर मार्केटमध्ये गुंतवणूक; ईडीकडून माहिती

महादेव बेटिंग अॅपसंबंधित एक मोठी माहिती समोर आली आहे. महादेव बेटिंग अॅप संबंधित १ हजार कोटींचा निधी शेअर मार्केटमध्ये गुंतवण्यात आला आहे. ईडीकडून ही माहिती उघड झाली आहे. महादेव बेटिंग अॅपप्रकरणी ईडीकडून चौकशी सुरु आहे. या चौकशीत आरोपी सुरेश चौकानीने ही माहिती दिली आहे.

चौकानीने बनावट कंपन्याच्या माध्यमातून शेअर मार्केटमध्ये मोठ्या प्रमाणात पैसे गुंतवले आहे. यासाठी त्याने स्टॉक एक्सचेंज अॅपचा वापर केला आहे, अशी माहिती त्याने दिली आहे.ईडीच्या चौकशीत सुरेश चौकानीने हरी संकर टिबरेवाल या व्यक्तीचे नाव समोर आणले आहे. याप्रकरणातील १ हजार कोटी रुपयांची रक्कम बनावट कंपन्या आणि बनावट डीमॅट खात्याद्वारे शेअर मार्केटमध्ये गुंतवण्यात आली आहे, असा ईडीला संशय आहे. यासंबंधित ईडी अधिक तपास करत आहे.

महादेव बेटिंग अॅप घोटाळाप्रकरणी अभिनेता साहिल खानला अटक करण्यात आली होती. महादेव बेटिंग अॅपप्रकरणात इतर अनेक अभिनेत्यांची चौकशी करण्यात आली होती.