Govinda Son : गोविंदाचा लेक गाजवणार बॉलिवूड; पहिल्या चित्रपटाचं मोठं अपडेट समोर, नाव अन् रिलीज डेट काय?

बॉलिवूड अभिनेता गोविंदा गेले काही दिवसांपासून त्यांच्या वैयक्तिक आयुष्यामुळे चांगलाच चर्चेत आहे. अशात आता गोविंदाचा मुलगा बापाच्या पावलावर पाऊल ठेवून अभिनय क्षेत्रात एन्ट्री करत आहे. गोविंदाचा मुलगा यशवर्धन आहुजाच्या पहिल्या चित्रपटासंबंधित मोठी अपडेट समोर आली आहे. त्याच्या पहिल्या चित्रपटाची घोषणा करण्यात आली आहे. चित्रपटासंबंधित सर्व माहिती जाणून घेऊयात.

X वर taran adarsh यांनी शेअर केलेल्या पोस्टमध्ये चित्रपटाबद्दल सविस्तर माहिती देण्यात आली आहे. गोविंदाचा लेक 'हिरो की हिरोईन' (Hero Ki Horrorine) या चित्रपटातून बॉलिवूड डेब्यू करणार आहे. या चित्रपटाद्वारे दिग्दर्शक साजिद खान यांचेही रुपेरी पडद्यावर पुनरागमन होत आहे.या चित्रपटात नितांशी गोयल, सुनीता आहुजा, जेमी लेव्हर, चंकी पांडे, बृजेंद्र काला आणि सिमरत कौर रंधावा यांसारखे मोठे कलाकार आहेत.

'हिरो की हिरोईन' या चित्रपटात कॉमेडी, हॉरर आणि रोमान्स यांचा सुरेख संगम पाहायला मिळणार आहे. यशवर्धन आहुजासोबत अभिनेत्री नितांशी गोयल मुख्य भूमिकेत दिसणार आहे. या चित्रपटाची निर्मिती एकता कपूर, शोभा कपूर आणि अमर बुटाला यांनी साजिद खान यांच्यासोबत मिळून केली आहे. 'हिरो की हिरोईन' हा चित्रपट ७ जानेवारी २०२७ रोजी चित्रपटगृहांमध्ये प्रदर्शित होणार आहे.

गोविंदाच्या लेकाचा चित्रपट येणार समजताच सोशल मीडियावर अनेक चर्चा सुरू झाल्या आहेत. चाहते चित्रपट पाहण्यासाठी खूपच उत्सुक आहेत. गोविंदा आणि सुनीता आहुजा यांना दोन मुलं आहेत. यशवर्धन आहुजा आणि टीना आहुजा टीना आहुजाने 2015 मध्ये स्मीप कांग दिग्दर्शित रोमँटिक कॉमेडी चित्रपट सेकंड हँड हसबंडमधून बॉलिवूडमध्ये पदार्पण केले. यात तिने गिप्पी ग्रेवाल आणि ज्येष्ठ अभिनेते धर्मेंद्र यांच्यासोबत काम केले.