सध्या सर्वत्र जोरदार दिवाळीची धुमधाम सुरु आहे. बॉलिवूड इंडस्ट्रीमध्ये, अनेक सेलिब्रिटी दिवाळी पार्टीचे आयोजन करत आहेत. नुकताच सुप्रसिद्ध फॅशन डिझायनर मनिष मल्होत्राने दिवाळी पार्टीचे आयोजन केले होते. यावेळी अख्खी बॉलिवूड इंडस्ट्री अवतरली होती. सध्या सोशल मीडियावर पार्टीतल्या एका फोटोची तुफान चर्चा होत आहे. त्या व्हायरल फोटोमध्ये, ऐश्वर्या आणि सलमान एकत्र दिसत आहेत. सध्या तो फोटो सोशल मीडियावर प्रचंड व्हायरल होत असून त्या फोटोमागील सत्य काहीतरी वेगळंच आहे.
ऐश्वर्या राय बच्चन आणि सलमान खान या दोघांच्याही रिलेशनशिपच्या चर्चा सर्वांनाच ठाऊक आहे. नुकत्याच एका दिवाळी पार्टीमध्ये ही जोडी एकत्र स्पॉट झाल्याचे दिसून येत आहे. त्यांचा एकत्र उभा राहिलेला फोटो सध्या व्हायरल होतोय. खरंच ऐश्वर्या आणि सलमान मनिष मल्होत्राच्या दिवाळी पार्टीमध्ये एकत्र दिसले का?, हे अद्याप समोर आलेले नाही. पण व्हायरल होणाऱ्या फोटोमुळे सोशल मीडियावर चर्चा रंगली आहे.
यावेळी दिवाळी पार्टीमध्ये सलमान खान आणि ऐश्वर्या राय यांच्यासह रेखा, गौरी खान, सुहाना खान, खुशी कपूर, अनन्या पांडे, वरुण धवनसह अनेक सेलिब्रिटींनी हजेरी लावली होती. यावेळी ऐश्वर्याने खास पार्टीसाठी लाल रंगाचा ड्रेस परिधान केला होता. त्यामध्ये अभिनेत्रीचं सौंदर्य खुलून दिसत होतं. तर सलमाननेही नेहमीप्रमाणे हटके लूक केला होता. त्याने ब्लॅक कलरची जिन्स आणि लाईट ब्लू कलरचा टी-शर्ट परिधान केला होता. सध्या या पार्टीमधील सेलिब्रिटींच्या लूकचे अनेक व्हिडीओ आणि फोटो व्हायरल होत आहे. (Bollywood)
सध्या ट्वीटरवर ऐश्वर्या राय आणि सलमानचा एक फोटो प्रचंड व्हायरल होत आहे. पण त्या फोटोमागील सत्य वेगळेच आहे. सलमानसोबत फोटोमध्ये दिसणारी ऐश्वर्या नाही तर, सूरज पांचोलीची बहीण सना पांचोली आहे. यावेळी सनाने सुद्धा मनिष मल्होत्राच्या दिवाळी पार्टीला हजेरी लावली होती. पार्टीमधला हा फोटो सलमान आणि ऐश्वर्याचा नसून सलमान आणि सना पांचोलीचा आहे. (Entertainment News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.