Deepika -Vicky : 'कल्की'मधून एक्झिट होताच दीपिका पादुकोणचं नशीब चमकले, विकी कौशलसोबत 'महावतार'मध्ये झळकणार? वाचा मोठी अपडेट

बॉलिवूड अभिनेता विकी कौशल अलिकडेच बाबा झाला आहे. कतरिनाने गोंडस मुलाला जन्म दिला आहे. त्यामुळे विकी आणि कतरिना नवीनच पालक झाले आहेत. 'छावा' विकी कौशलच्या करिअरमधील सर्वात सुपरहिट चित्रपट ठरला. 'छावा' चित्रपटात विकी कौशलने छत्रपती संभाजी महाराजांची भूमिका साकारली आहे. सध्या विकी कौशल त्याचा आगामी चित्रपट 'महावतार'मुळे चांगलाच चर्चेत आहे.

'महावतार' चित्रपट 2026 च्या ख्रिसमसमध्ये प्रेक्षकांच्या भेटीला येणार आहे. खूप काळापासून विकी कौशलसोबत 'महावतार' चित्रपटात मुख्य भूमिकेत कोणती अभिनेत्री झळकणार ही चर्चा सोशल मीडियावर पाहायला मिळत आहे. आता मीडिया रिपोर्टनुसार, दीपिका पादुकोण 'महावतार'मध्ये (Deepika Padukone-Vicky kaushal ) मुख्य अभिनेत्री म्हणून दिसणार आहे. पहिल्यांदाच विकी कौशल आणि दीपिका पादुकोण स्क्रीन एकत्र शेअर करणार आहे.

अलिकडेच दीपिका पादुकोण मुंबईतील मॅडॉक फिल्म्सच्या कार्यालयात दिसली. मिड-डेच्या वृत्तानुसार, 'महावतार' चित्रपटाचे निर्माते बऱ्याच काळापासून अशा अभिनेत्रीच्या शोधात होते जी, परशुरामाच्या भूमिकेत गांभीर्य आणि भावनिक खोलता आणू शकेल. चित्रपटात मुख्य भूमिकेत सक्षम स्त्री पात्र हवे आहे. दीपिका आणि निर्मात्यामध्ये चर्चा सुरू असल्याचे बोले जात आहे. मात्र अद्याप कोणतीही अधिकृत घोषणा झाली नाही.

'महावतार' चित्रपटाची निर्मिती दिनेश विजन आणि दिग्दर्शन अमर कौशिक करत आहेत. 'महावतार' हा पौराणिक ड्रामा आहे. जो भगवान परशुरामच्या कथेवर आधारित आहे. चाहते दीपिका पादुकोण आणि विकी कौशलला एकत्र पाहण्यासाठी खूपच उत्सुक आहेत. विकी कौशलचा लवकरच 'लव्ह अँड वॉर' मधून प्रेक्षकांच्या भेटीला येणार आहे. या चित्रपटात विकी कौशलसोबत रणबीर कपूर आणि आलिया भट्ट देखील झळकणार आहे.