'बिग बॉस ओटीटी ३' ची सध्या सोशल मीडियावर जोरदार चर्चा सुरू आहे. प्रत्येक स्पर्धक बिग बॉसच्या घरामध्ये आपल्या रियल लाईफबद्दल बोलताना दिसत आहे. गेल्या काही दिवसांपासून अरमान मलिक आणि त्याच्या दोन्हीही पत्नी सध्या कमालीच्या चर्चेत आहेत. अशातच आता रॅपर नॅझीही चर्चा सुरू झाली आहे. ‘आफत’ या गाण्याने नॅझीला चांगलीच प्रसिद्धी मिळाली आहे. नॅझी ‘गल्ली बॉय’ चित्रपटाच्या शुटिंगवेळी जेलमध्ये होता. त्या घटनेनंतर त्याच्या करियरला एक वेगळीच कलाटणी मिळाली, असं त्याने स्वत: सांगितले.
बिग बॉसच्या घरात सना मकबुल, रणवीर शौरी आणि अरमान मलिकसोबत बोलत असताना नॅझीने ‘गली बॉय’ या चित्रपटाबाबत वक्तव्य केले आहे. तो म्हणतो, " ‘गल्ली बॉय’ हा चित्रपट माझ्या करियरवर बनत होता. ‘गल्ली बॉय’मुळे मी खूपच चर्चेत आलो असतो. पण नेमका मी त्या चित्रपटाच्या शुटिंग वेळीच गायब झालो. माझ्याबद्दल अनेक जणं विचारायचे. चित्रपटामध्ये जे काही दाखवले आहे, त्यापेक्षा मी रियल लाईफमध्ये फार आहे. चित्रपटानंतर अनेक लोकं माझ्याकडे नकारात्मक दृष्टीने बघू लागले."
रणवीरने नॅझीला विचारलं की, तू शुटिंग वेळी कुठे होतास ? त्यावर नॅझीने सांगितले की, "मी ‘गल्ली बॉय’च्या शुटिंगवेळी जेलमध्ये होतो. कारण मी त्या चित्रपटामुळे प्रसिद्ध होणार होतो, मी एक प्रसिद्ध रॅपर होणार होतो. त्यामुळे माझ्यावर काही खोटे आरोप करण्यात आले आणि मला एक वर्षासाठी जेलमध्ये टाकलं. माझ्या आई- वडिलांव्यतिरिक्त कोणालाच मी नक्की कुठे आहे, हे माहित नव्हतं."
"या घटनेमुळे माझ्या आयुष्यामध्ये जितके चांगले घडले आहे, तितकेच वाईटही घडले आहे. मी माझ्या नातेवाईकांना परदेशात असल्याचे सांगितले होते. या घटनेमुळे माझं धुळीला मिळालं. या चित्रपटाने मला प्रसिद्धी दिली. या चित्रपटामुळे बॉलिवूडमध्ये माझी जागा निर्माण झाली." असं नॅझीने बिग बॉसच्या घरात सांगितले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.