Bigg Boss Marathi 6 : कोण Safe अन् कोण Danger Zone मध्ये? बिग बॉसच्या घरात पार पडला नॉमिनेशन टास्क, पाहा VIDEO

बिग बॉसचा सध्या तिसरा आठवडा सुरू आहे. घरात नुकताच नॉमिनेशन टास्क पार पडला आहे. 'Mr. India' असे नॉमिनेशन टास्कचे नाव आहे. बिग बॉस म्हणतात की, "घरात न दिसणाऱ्या सदस्यांसाठी पार पडणार नॉमिनेशन कार्य..." त्यानंतर घरातील सदस्यांच्या दोन दोनच्या जोड्या बनतात. एक जोडी दुसऱ्या जोडीतील सदस्यांचा घरातील वावर किती कमी होता, हे सांगताना दिसत आहे.

राकेश आणि रुचिताची जोडी बनते. राकेश रुचिताला म्हणतो की, "ही खूप कमी दिसलीय... " त्यानंतर घरातील इतर जोड्या एकमेकांवर आरोप-प्रत्यारोप करताना दिसतात. बाकी जोड्यांमध्ये वाद होतात. शेवटी बिग बॉस म्हणतात की, "आपण निर्णय घेण्यास असक्षम आहात. आता निर्णय बिग बॉसने घेतलाय..." हे ऐकताच घरातील सदस्यांना टेन्शन येते.

पहिल्या फेरीत दीपाली सय्यद-दिव्या शिंदे यांना नॉमिनेट करायला सागर-ओमकार येतात. ओमकार दिव्याची बाजू घेतो. तर सागर दीपालीच्या बाजू घेतो. त्यामुळे घरात वाद होतो. तेव्हा बिग बॉस सोनाली आणि आयुषला दीपाली-दिव्यापैकी एकीला नॉमिनेट करायला सांगतात. तेव्हा सोनाली-आयुष एकमताने दीपाली नॉमिनेट करतात आणि दिव्याला सुरक्षित करतात. दुसऱ्या फेरीत तन्वी-राकेशची जोडी विशाल-अनुश्रीला नॉमिनेट करायला येतात. तेव्हा दोघे एकमताने विशालला नॉमिनेट करतात.तिसऱ्या फेरीत प्रभू- सचिन यांची जोडी बनते. त्यांना नॉमिनेट करायला करण-प्राजक्ता येतात. तेव्हा दोघे एकमताने प्रभूला नॉमिनेट करतात.

एकंदर आतापर्यंत घरातील तीन सदस्य तिसऱ्या आठवड्यात घराबाहेर जाण्यासाठी नॉमिनेट झाले आहेत. यात दीपाली सय्यद, विशाल आणि प्रभू यांचा समावेश आहे. आता तिसऱ्या आठवड्यात बिग बॉसच्या घरातून कोण बाहेर जाणार आणि कोण घरातच राहणार हे पाहणे महत्त्वाचे ठरणार आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.