Suraj Chavan Wedding : सूरज चव्हणच्या लग्नात 'किलर गर्ल' संतापली; जान्हवी किल्लेकरनं हात जोडून पाहुण्यांना केली विनंती, VIDEO होतोय व्हायरल

'बिग बॉस मराठी 5' विजेता सूरज चव्हाण अखेर लग्न बंधनात अडकला आहे. त्याच्या लग्नाचे फोटो आणि व्हिडीओ सोशल मीडियावर तुफान व्हायरल होत आहे. सूरज चव्हाणने मामाची मुलगी संजनासोबत 29 नोव्हेंबर लग्नगाठ बांधली. सूरजच्या लग्नाच्या प्रत्येक समारंभात त्याची मानलेली बहीण जान्हवी किल्लेकर दिसली. बिग बॉसच्या घरात असताना जान्हवी आणि सूरजची ओळख झाली. तेव्हापासून जान्हवी सूरजला भाऊ मानते. नेहमी त्याला पाठिंबा देताना दिसते.

सध्या सोशल मीडियावर जान्हवी किल्लेकरचा एक व्हिडीओ व्हायरल होत आहे. ज्यात जान्हवी किल्लेकर संतापलेली पाहायला मिळत आहे. सूरज चव्हाणचे लग्न माऊली गार्डन हॉलवर झाले. हे ठिकाण सासवड-जेजुरी रोड, पुरंदर तालुक्यात , पुणे जिल्ह्यात आहे. सूरजला पाहण्यासाठी, त्याच्या लग्न सोहळ्यासाठी पाहुण्यांची तुफान गर्दी पाहायला मिळाली. सर्वांना सूरजसोबत फोटो काढायचे होते. त्यामुळे वाढती गर्दी पाहताच जान्हवी किल्लेकर भडकली. तिने माइक हातात घेतला आणि आलेल्या पाहुण्यांना चांगले सुनावले.

जान्हवी नेमकं काय म्हणाली?

जान्हवी म्हणाली की, "...आणि आपण लग्नाला आलो आहोत तर त्याचं लग्न तरी लागूद्या. त्याचं लग्न लागू नये असं वाटतंय का तुम्हाला? तो आतमध्ये वैतागून बसलाल यार...प्लीज, थोडावेळ तरी समजून घ्या. प्लीज मी तुम्हालाना हात जोडून नमस्कार करते. प्लीज...सर्वांचं डोकं आता फिरले आहे. विनंती करतेय मी तुम्हाला... प्लीज आता सूरजला बाहेर येऊ द्या, कोणी काहीच करू नका..."

सूरज चव्हाणच्या लग्नाला 'बिग बॉस मराठी 5' चे कलाकार पाहायला मिळाले. यात जान्हवी किल्लेकरसोबत धनंजय पोवार, पुरुषोत्तम दादा पाटील असे अजून कलाकार पाहायला मिळाले. जान्हवीच्या या व्हिडीओवर नेटकऱ्यांकडून कमेंट्सचा वर्षाव होत आहे. नेटकरी भाऊ-बहिणीच्या नात्यांचे, प्रेमाचे कौतुक करताना दिसत आहेत.