लग्नाला नकार दिल्याने बॉयफ्रेंड भडकला; गर्लफ्रेंडवर घरात घुसून गोळ्या झाडल्या

उत्तर प्रदेशच्या नोएडामध्ये २५ वर्षीय गर्लफ्रेंडची बॉयफ्रेंडने गोळ्या झाडून संपवल्याची घटना घडली आहे. लग्नाला नकार दिल्याने बॉयफ्रेंडने गर्लफ्रेंडची हत्या केल्याचं समोर आलं आहे. तरुणीची हत्या केल्यानंतर आरोपीने घटनास्थळावरून पळ काढला. पोलिसांनी आरोपीच्या मुसक्या आवळण्यासाठी अनेक पथके तयार केली आहेत.

तरुणीची हत्या झाल्याची माहिती मिळताच फॉरेन्सिक टीम घटनास्थळी पोहोचली. पोलिसांनी मृत तरुणीचा मृतदेह ताब्यात घेत पोस्टमार्टमसाठी रुग्णालयात पाठवला. आरोपी कृष्णाने तरुणीच्या घरात घुसला. यावेळी दोघांमध्ये कडाक्याचं भांडण झालं. त्यानंतर रागाच्या भरात त्याने तरुणीची गोळ्या झाडून हत्या केली.

पोलिसांनी या प्रकरणी आरोपी कृष्णाविरोधात तक्रार नोंदवली आहे. पोलिसांचे अनेक पथक त्याच्या मागावर आहेत. या प्रकरणी पुढील तपास देखील सुरु केला आहे.

तरुणी ही अमरोहा येथील राहणारी होती. आरोपी कृष्णा हा मूळचा बिहारचा होता. दोघेही एकत्र कारखान्यात कामाला होते. एकत्र काम करत असताना मैत्रीचं रुपांतर प्रेमात बदललं. पोलिसांनी दिलेल्या माहितीनुसार, आरोपी कृष्णा तरुणीवर लग्नासाठी दबाव टाकत होता. या प्रकरणातील आरोपी कृष्णाला लवकरच अटक करू, असं पोलिसांनी म्हटलं आहे.