Shocking News: समोसे आले जिवाशी! पत्नीची इच्छा पूर्ण न करणाऱ्या पतीला सासरच्यांकडून मारहाण | Video Viral

पत्नीची मागणी पूर्ण न करणं एका व्यक्तीला चांगलेच महागात पडले आहे. पत्नीला समोश्यामुळे एक व्यक्ती मरता मरता वाचलाय. ही घटना उत्तर प्रदेशच्या पीलीभीतमध्ये घडलीय. येथील एका महिलेला तिच्या नवऱ्यानं समोसे घेऊन दिले नाही, त्यामुळे तिने तिच्या माहेरच्यांना बोलवून पतीला मारहाण केलीय. पत्नीची समोसेची इच्छा पूर्ण न झाल्यानं पत्नीने आपल्या माहेरच्यांना सासरी बोलवलं.

इतकेच नाही तर समोसामुळे झालेल्या भांडणाची प्रकरण गावाच्या पंचायतपर्यंत गेलं. पंचायत सुरू असतानाच महिलेच्या माहेरच्यांनी त्या व्यक्तीला मारहाण केली. या घटनेचा व्हिडिओ सोशल मीडियावर खूप व्हायरल होत आहे. हाती आलेल्या माहितीनुसार, ३० ऑगस्ट रोजी भगवन्तापुर गावात ही घटना घडलीय. या गावात संगिता आपल्या नवरा शिवमसोबत राहते. संगितला समोसे खाण्याची इच्छा झाली होती. तिने शिवमला स्वीट मार्टमधून समोसे आणण्यास सांगितले.

परंतु शिवम काही कारणामुळे समोसे आणण्यास विसरला. त्यामुळे पत्नी संगिता नाराज झाली. समोसेवरून संगिता आणि शिवम यांच्यात ३१ तारखेला जोरदार भांडण झालं. त्यानंतर संगिताने या भांडणाची माहिती तिच्या घरच्यांना दिली. तिच्या सांगण्यावरून तिच्या माहेरची सर्व मंडळी शिवमच्या घरी आले. त्यानंतर माजी गावप्रमुख अवधेश शर्मा यांच्या उपस्थितीत दोन्ही पक्षांमध्ये पंचायत झाली. या पंचायतीदरम्यान रागावलेल्या संगिताने कुटुंबातील सदस्यांसह पती शिवम आणि त्याच्या आईला मारहाण केली.

दरम्यान या घटनेचा एक व्हिडिओ सोशल मीडियावरही व्हायरल होतोय. शिवमची आई विजय कुमारी यांनी समोश्यांच्या वादातून घडलेल्या महाभारताबद्दल लेखी तक्रार दाखल केलीय. यावरून कोतवाली पुरणपूर पोलिसांनी गुन्हा दाखल केलाय. मारहाणीत जखमी झालेल्यांना रुग्णालयात दाखल करण्यात आले असून सासरच्या व्यक्तींवर कारवाई करण्यात येत आहे.

पुरनपूर येथील प्रतीक दहिया यांनी शिवमची आई विजय कुमारी यांनी त्यांच्या मुलाने तक्रार दिल्याचं सांगितलं. तक्रारीनुसार, पत्नी संगिता, तिची आई उषा, वडील रामलडैते आणि काका रामोतार यांच्यासह चार जणांविरुद्ध बीएनएस कलम १०९ अंतर्गत हत्येचा प्रयत्नासह मारहाण करण्याचा गुन्हा नोंदवण्यात आलाय.