Pune Crime: पुणे हादरले! ऐन गणेशोत्सवात मुळशी पॅटर्न थरार, तरुणावर कोयत्याने सपासप वार; VIDEO व्हायरल

Summary -

• पुण्यातील पाषाण भागात गणेशोत्सव मंडळासमोर रक्तरंजित थरार.

• सचिन माने याच्यावर कोयत्याने सपासप वार.

• कोयता हल्ल्याची घटना सीसीटीव्हीत कैद.

• आरोपींपैकी दोन अल्पवयीन. चौघांविरोधात गुन्हा दाखल.

सचिन जाधव, पुणे

पुण्यामध्ये कोयता गँगची दहशत काही संपेना. ऐन गणेशोत्सवामध्ये पुण्यामध्ये मुळशी पॅटर्नचा थरार रंगला. एका तरुणावर भरचौकात कोयत्याने सपासप वार करण्यात आले. ही संपूर्ण घटना सीसीटीव्हीमध्ये कैद झाली. याचा व्हिडीओ समोर आला असून तो व्हायरल होत आहे. जीव वाचवण्यासाठी तरूण इकडे तिकडे सैरावैरा पळत होता. या प्रकरणी पोलिसांनी आरोपींना अटक केली आहे. पोलिस सध्याया प्रकरणाचा तपास करत आहेत.

मिळालेल्या माहितीनुसार, कोयता हल्ल्याची ही घटना पुण्यातील पाषाणमध्ये घडली. एका गणेशोत्सव मंडळाच्या समोर तरुणावर कोयत्याने सपासप वार करण्यात आले. जुन्या भांडणाचा राग मनात धरून चौघांनी सचिन माने या तरुणाला शिवीगाळ करत पाठलाग करत त्याच्यावर कोयत्याने सपासप वार केले. ही संपूर्ण घटना गणेश मंडळ परिसरात लावलेल्या सीसीटीव्हीत कैद झाली

या प्रकरणी चार आरोपींविरोधात बाणेर पोलिस ठाण्यात गुन्हा दाखल करण्यात आला आहे. चार आरोपींपैकी दोन जण अल्पवयीन असून अवघे १७ वर्षे वयोगटातील आहेत. पोलिसांनी चार ही आरोपीना अटक केली आहे. यामधील दोन अल्पवयीन मुलांची रवानगी बालसुधार गृहात करण्यात आली आहे. तर कोयता हल्ल्यात जखमी झालेल्या तरुणाला रुग्णालयात दाखल करण्यात आले. उपचार करून डॉक्टरांनी त्याला डिस्चार्ज देखील दिला आहे. या प्रकरणाच अधिक तपास बाणेर पोलस करत आहेत.