Crime : मेहुणीला करायचं होतं भाऊजीला खूश, असं काही केलं की पोलीस लागले मागे

Crime News : सोशल मीडियाच्या जगात लाईक्स अन् कमेंट्ससाठी कोणत्याही स्तराला लोक जातात, याच्या अनेक बातम्या समोर आल्या. बिहारमध्येही असेच काहीसे घडलेय. लाइक्स अन् कमेंट्ससाठी भाऊजी आणि मेहुणीने जे काही केलं, त्यामुळे पोलीस त्यांचा मागे लागले आहेत. लग्नावेळी मेहुणीने पिस्टलसोबतचा फोटो सोशल मीडियावर अपलोड केला, त्यामुळे पोलीस भाऊजीचा शोध घेत आहेत.

भाऊजीला खूश करण्यासाठी मेहुणीने असं काही केलं की पोलिसांनी तीन जणांवर गुन्हा दाखल केला. त्यांना अटक करण्यासाठी पोलिसांकडून शोध घेतला जात आहे. लग्नाच्या समारंभात मेहुणीच्या एका कृत्याने भाऊजीवर पोलिसांत गुन्हा दाखल झालाय. गेल्या काही दिवसांपासून सोशल मीडियावर पोलिसांची करडी नजर आहे. इंडो-नेपाळ बॉर्डर वरील झारोखर पोलिस स्टेशनच्या हद्दीतील बागा गावात मेहुणीने भाऊजीकडील परवानाधारक बंदुकीसोबतचा फोटो पोस्ट केला. या फोटोमध्ये बंदूक मेहुणीच्या हातात दिसत आहे, हा फोटो वाऱ्यासारखा व्हायरल झाला. त्यानंतर एसपी स्वारन प्रभात यांनी त्वरित कारवाईचे आदेश दिले.

प्रसारमाध्यमांच्या माहितीनुसार, बालपूर येथील अभय सिंह यांनी आपली परवानाधारक बंदूक मेहुणीला दिली. तिने त्यासोबत फोटो काढले अन् सोशल मीडियावर ठेवले. यामुळे अभय सिंह अडचणीत आलाय. पोलिसांनी तीन जणांविरोधात गुन्हा दाखल केला आहे. अभय सिंह फरार असून पोलीस त्याचा शोध घेत आहेत. पोलिसांच्या मते, आरोपीला अटक केली जाईल आणि सर्व तथ्यांचा तपास केला जाईल. या शस्त्राच्या परवान्यातही चौकशी होईल.