आर्थिक गैरव्यवहार केल्या प्रकरणी खामगाव कृषी उत्पन्न बाजार समितीच्या 13 संचालकांसह दाेन कर्मचाऱ्यांवर गुन्हा दाखल झाला आहे. खामगाव पाेलिसांनी विविध कलमान्वय गुन्हा दाखल केला आहे. या प्रकरणामुळे बुलढाणा जिल्ह्यात एकच खळबळ उडाली आहे.
बुलढाणा जिल्ह्यातील खामगाव कृषी उत्पन्न बाजार समिती मधील सर्व संचालकांनी संगनमत करून स्वतःच्या आर्थिक फायदा करून घेण्यासाठी सम्यक साक्षी सेक्युरिटी अँड लेबर कॉन्ट्रॅक्टर प्रायव्हेट लिमिटेड या कंपनीच्या संचालकांवर दबाव आणला होता. सुरक्षारक्षक पुरवलेले नसतानाही देयकांवर सह्या घेऊन पदाचा गैरवापर करून जवळपास 32 लाख रुपयांचा आर्थिक गैरव्यवहार कृषी उत्पन्न बाजार समितीत उघडकीस आला आहे.
राहुल बुध्दम अबगड यांनी दिलेल्या फिर्यादी नूसार पाेलिसांनी गणेश संभाजी माने, गणेश मनोहर ताठे, श्रीकृष्ण महादेव टिकार, विलासराव सुभाषसिंग इंगळे, प्रमोद शामराव चिंचोलकर, संजय रामेश्वर झुनझुनवाला, मंगेश इंगळे, सचिन नामदेव वानखेडे, किंमत रामा कोकरे, सौ. सुलोचना श्रीकांत वानखडे, सौ. वैशाली दिलीप मुजुमले, गजानन आमले, प्रशांत जाधव, विजय इंगळे , गिरीष सातव (सर्व राहणार - कृषी उत्पन्न बाजार समिती खामगांव) यांच्यावर गुन्हा दाखल केला आहे. या प्रकरणाचा तपास पोलिस उपनिरीक्षक विनोद खाबलकर हे करीत आहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
