Nashik Crime News: फक्त ५०० रुपयांचा वाद; मित्राने केली मित्राची हत्या

Crime News: मोबाईल फोन गहाण ठेवण्यावरून झालेल्या वादातून दोघा मित्रांमध्ये जुंपली. यावेळी एकाने त्याच्याजवळ असलेल्या धारधार शस्त्राने दुसऱ्या मित्रावर सपासप वार केल्याची धक्कादायक घटना नाशिकमध्ये घडली आहे .
Crime News
Nashik Crime NewsSaam Tv

BY- तबरेज शेख, साम टीव्ही नाशिक

नाशिकमधून एक धक्कादायक घटना समोर आली आहे. मोबाईल फोन गहाण ठेवण्यावरुन झालेल्या वादातून मित्राकडून मित्राची हत्या करण्यात आलेली आहे. या घटनेने संपूर्ण परिसरात खळबळ उडाली असून पोलिसांकडून या घटनेचा अधिकचा तपास करण्यात येत आहे.

Crime News
Vasai Crime News: माझ्या मुलीला मारलं... आता त्याचाही जीव पाहीजे, तरुणीच्या हत्येनंतर आईची संतप्त प्रतिक्रिया

मिळालेल्या माहितीनुसार, मोबाईल फोन गहाण ठेवण्यावरून झालेल्या वादातून दोघा मित्रांमध्ये हाणामारी झाली. यावेळी एक मित्राने त्याच्याजवळ असलेल्या धारधार शस्त्राने दुसऱ्या मित्रावर सपासप वार केले. यावेळी अय्युब शेख वय ३१ या तरुणाचा मृत्यू झाला आहे. संपूर्ण घटना ही नाशिक शहरातील भारतनगर परिसरात ता.१९ रात्री ११ वाजेच्या सुमारास घडली.

घटनेची माहिती मिळताच पोलिसांचे पथक घटना (Event)स्थळी दाखल झाले. पोलिसांनी आरोपी आकिब सय्यद यास ताब्यात घेतले असून परिसरात दंगलनियंत्रण पथकाची तुकडीला तैनात करण्यात आले आहे.

नेमके काय घडले?

मुंबई नाका परिसरात भारत नगर येथे राहणाऱ्या आकीब याने स्वत:चा मोबाईल (Mobile)गहाण ठेवून ४,५०० रूपये परवेज याच्याकडून घेतले होते. मोबाईल पुन्हा मागितला असता त्यावरून त्यांच्या दोघांमध्ये शाब्दिक वाद झाला. यावेळी भारतनगर झोपडपट्टीमधील मोकळ्या मैदानात आकिब याने त्याच्यावर धारधार चाकूने वार केले. यामुळे परवेज रक्ताच्या थारोळ्यात कोसळला. त्याला तातडीने जवळच्या खासगी रूग्णालयात हलविण्यात आले; मात्र डॉक्टरांनी तपासून मृत घोषित केले.

घटनेची माहिती मिळताच मुंबईनाका पोलिस (Police)ठाण्याचे वरिष्ठ पोलिस निरिक्षक अशोक गिरी Acp सिद्धेश्वर धुमाळ आणि गुन्हे शाखेचे पोलिस निरीक्षक मधुकर कड हे पथकासह घटनास्थळी दाखल झाले. तत्काळ परिसरातून संशयित आकिब यास ताब्यात घेण्यात आले असून परिसरात तणाव पूर्ण शांतता आहे. मुंबई नाका पोलीस ठाण्यात खूनाचा गुन्हा दाखल करण्यात आलं आहे.

Crime News
Palghar Crime News: प्रेमाचा भयानक शेवट! लग्नावरून वाद टोकाला गेला, प्रियकराकडून प्रेयसीची डोक्यात दगड घालून हत्या

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com