- संजय राठाेड
मुंबई उच्च न्यायालयाच्या नागपूर खंडपीठाने अवधूतवाडी पोलिस ठाण्याच्या कामाची गंभीर दखल घेत 3 आठवड्यात अहवाल सादर करण्याचे निर्देश दिले आहेत. दिगंबर पचगाडे यांनी अवधूतवाडी पोलिस ठाणे बांधकाम प्रकरणाबाबत उच्च न्यायालयात जनहित याचिका दाखल केली आहे. त्याची सुनावणी नुकतीच झाली.
अवधूतवाडी पोलिसांनी अवैध मार्ग अवलंबून गुन्हेगारांकडून पैसा गोळा करित त्या पैशातून पोलिस ठाण्यामध्ये विविध प्रकारचे अवैध बांधकाम केल्याचा ठपका ठेवण्यात आला आहे. बांधकामासाठी स्थानिक प्रशासनाची मंजुरी घेण्यात आली नसल्याचा आरोप याचिकेत करण्यात आला आहे. या प्रकरणाची चौकाशी करून दोषी पोलिस अधिकाऱ्यांविरुद्ध गुन्हे दाखल करण्याची मागणी करण्यात आली आहे.
अवधूतवाडी पोलिस ठाणे बांधकाम प्रकरणात उच्च न्यायालयात 2022 पासून जनहित याचिका प्रलंबित आहे. त्यावर नुकतेच न्यायमूर्तीद्वय नितीन सांबरे व अभय मंत्री यांच्या समक्ष सुनावणी झाला. गृह विभागाने अतिरिक्त मुख्य सचिवांनी या प्रकरणात स्वतः लक्ष घालावे आणि त्याचे यासंदर्भात काय म्हणणे आहे हे तीन आठवड्यात सांगावे असे निर्देश उच्च न्यायालयाने दिले आहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
