Palghar Crime News: प्रेमाचा भयानक शेवट! लग्नावरून वाद टोकाला गेला, प्रियकराकडून प्रेयसीची डोक्यात दगड घालून हत्या

पालघरमध्ये एक धक्कादायक घटना घडली आहे. लग्न करण्याच्या वादातून प्रियकराने डोक्यात दगड घालून प्रेयसीची निर्घुण हत्या केली आहे. लग्नाला कुटुंबियाचा विरोध होता. त्याच वादातून प्रियकराने हे पाऊल उचलले. याप्रकरणी आरोपीला अटक करण्यात आली आहे.

पालघरमधील मुरबे येथे राहणाऱ्या सुमीत नवनीत तांडेल याचे स्नेहा पुरुषोत्तम चौधरी (वय १९) या मुलीसोबत प्रेमसंबंध होते. त्यांच्यात भांडण झाल्यामुळे प्रियकराने प्रेयसीच्या डोक्यात दगड मारुन तिची हत्या केली आहे. मिळालेल्या माहितीनुसार, सुमीत हा एमआयडीसी परिसरात एका फॅक्टरीमध्ये काम करायचा. त्याच्याविरोधात कलम ३०२ आणि २०१ आयपीसीअंतर्गत गुन्हा दाखल करण्यात आला आहे.

सोमवारी सकाळी ९ वाजता ही घटना घटला आहेस. स्नेहा ही तारापूर एमआयडीसी काम करत होती. ती प्रियकराला भेटण्यासाठी गेली होती. त्या दोघांमध्ये काही कारणांवरुन वाद झाला.याच वादातून त्याने स्नेहाच्या डोक्यात दगड घालून तिची हत्या केली आहे.

पोलिसांनी दिलेल्या माहितीनुसार, स्नेहाच्या कुटुंबियांचा त्यांच्या नात्याला विरोध होता. त्यामुळे त्यांच्या लग्नाला परवानगी मिळत नव्हती. त्यावरुनच त्यांचे भांडण झाले असावे. पोलिस याप्रकरणी अधिक तपास करत आहेत.

स्नेहा आणि तिच्या प्रियकरामधील भांडण वाढले. त्यातच त्यांने स्नेहाच्या डोक्याला मारले. तिथून बाजूने जाणाऱ्या एका व्यक्तीने हे सर्व पाहिले. त्याने बोईसर पोलिस ठाण्याला या घटनेची माहिती दिली. यावेळी सुमीतने स्नेहाला रुग्णालयात घेऊन जात असल्याचे सांगून तो तिथून निघून गेला.

याप्रकरणी पोलिसांनी घटनास्थळी धाव घेतली. त्यांनी आजूबाजूच्या रुग्णालयात तपासणी केली. परंतु त्यांनी रुग्णालयात अशी कोणतीच व्यक्ती आली नसल्याचे समजले. त्यानंतर स्थानिक लोकांच्या मदतीने स्नेहाचा शोध घेण्याचा प्रयत्न केला. ही घटना ज्या ठिकाणी घडली, तिथून काही किलोमीटर अंतरावर स्नेहाचे घर होते. त्यानंतर पोलिसांनी तपास घेण्यास सुरुवात केली.

मध्यरात्री २.३० मिनटांनी पोलिसांना स्नेहाचा मृतदेह सापडला. स्नेहाच्या डोक्यातून रक्त येत होते. मृतदेह तापसणीनंतर तिच्या डोक्याला मार लागल्याने तिचा मृत्यू झाल्याचे सांगण्यात आले. स्नेहाचा मृतदेह शवविच्छेदनासाठी पाठवण्यात आला आहे. यानंतर पोलिसांनी आरोपीचा शोध घेतला. सतपती गावातून पोलिसांनी आरोपीला अटक केली आहे.