Sambhajinagar News : मोकाट कुत्र्यांचा तरुणीवर जीवघेणा हल्ला; घटना सीसीटीव्ही कॅमेऱ्यात कैद

रामू ढाकणे 

छत्रपती संभाजीनगर : मोकाट कुत्र्यांचा त्रास वाढत चालला आहे. दुचाकी धारकांच्या अंगावर जाणे, रस्त्याने पती चालणाऱ्यांवर हल्ला करण्याचे प्रमाण देखील मागील काही दिवसांपासून वाढले आहे. अशीच घटना संभाजीनगर शहरात घडली असून रस्त्याने पायी चालणाऱ्या तरुणीवर ५ ते ६ कुत्र्यांनी जीवघेणा हल्ला केल्याची घटना घडली आहे. 

संभाजीनगर (Sambhajinagar) शहरातील सन्मित्र कॉलनीमध्ये महिलांवर आणि शाळेत जाणाऱ्या लहान मुलांवर २ ते ३ वेळा या मोकाट कुत्र्यांनी घेराव करत हल्ला केल्याची घटना घडली आहे. वारंवार तक्रारी करून देखील मनपा याकडे दुर्लक्ष करत असल्याचा आरोप स्थानिक नागरिकांनी केला आहे. दरम्यान पायी जाणाऱ्या या तरुणीला ६ ते ७ कुत्र्यांच्या टोळक्याने अचानक हल्ला करून घेण्याचं दिसत आहे. त्यामुळे तरुणीने आरडा ओरड करून कसातरी आपला जीव वाचवत तेथून पळ काढला. हे दृश्य देखील परिसरातील एका सीसीटीव्ही कॅमेरात कैद झाले आहे. 

महापालिकेचे दुर्लक्ष 

छत्रपती संभाजीनगर शहरात मोकाट कुत्र्यांचा (Dog Attack) मोठ्या प्रमाणात वावर वाढला आहे. मनपा प्रशासनाने त्यांची नसबंदी करण्याचे काम एका खासगी कंपनीला दिले. मात्र या कंपन्या लाखोंचे बिले उचलून देखील मोकाट कुत्र्यांना आळा घालत नसल्याची बाब आता निदर्शनास येत आहे. मात्र मोकाट कुत्र्यांना पकडून शहराबाहेर सोडण्याकडे महापालिका दुर्लक्ष करत आहे.