Nashik Crime: फटाके वाजवण्यावरुन वाद.. धारदार शस्त्राने वार करत तरुणाला संपवलं; नाशिकमध्ये खळबळ

तबरेज शेख, प्रतिनिधी

Nashik Crime News:

राज्यात दिवाळीचा सण मोठ्या उत्साहात साजरा पडतोय. सर्वत्र दिवाळीची धामधुम पाहायला मिळत आहे. अशातच नाशिकमधूनन एक धक्कादायक घटना समोर आली आहे. नाशिकमध्ये फटाके उडवण्याच्या वादातून एका २८ वर्षीय तरुणाची हत्या झाल्याचे उघडकीस आले आहे. या घटनेने संपूर्ण शहरात खळबळ उडाली आहे. (Crime News In Marathi)

याबाबत सविस्तर माहिती अशी की, सर्वत्र दिवाळीची धामधुम सुरू असतानाच भयंकर हत्येने नाशिक जिल्हा(Nashik) हादरुन गेला आहे. नाशिकच्या पथाडी गावात फटाके उडवण्याच्या वादातून एका २८ वर्षीय तरुणाची निर्घृण हत्या करण्यात आली. गौरव अखाडे असे या हत्या झालेल्या तरुणाचे नाव आहे.

मंगळवारी (१५, ऑक्टोंबर) रात्री ही घटना घडली. याबाबतची माहिती मिळताच पोलिसांनी घटनास्थळी धाव घेत पंचनामा केला. तसेच पोलिसांकडून एका संशयित आरोपीलाही ताब्यात घेतले आहे. या प्रकरणी इंदिरानगर पोलीस ठाण्यात गुन्हा दाखल झाला असून अधिक तपास सध्या सुरू आहे.

गोंदियातही भीषण हत्येची घटना..

ऐन सणासुदीच्या काळात घडलेल्या या घटनेने परिसरात खळबळ उडाली आहे. दरम्यान, गोंदिया शहरात (Gondia) दोन दिवसांपूर्वी एक भीषण हत्येची घटना घडली. वाहनाला कट मारल्याच्या रागातून अर्पित उर्फ बाबू ऊके या २३ वर्षीय तरुणाची निर्घृण हत्या करण्यात आली होती. या प्रकरणी पोलीस सध्या आरोपीचा शोध घेत आहेत. (Latest Marathi News)

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)