पती पत्नीसह एकाच कुटुंबातील तिघांनी आत्महत्या केल्याची धक्कादायक घटना मध्यप्रदेशातून समोर आली आहे. मध्यप्रदेशच्या ग्वाल्हेरमध्ये घडलेल्या या घटनेने परिसरात एकच खळबळ उडाली आहे. याबाबतची माहिती मिळताच पोलिसांनी घटनास्थळी धाव घेत मृतदेह ताब्यात घेतले. घटनास्थळी मिळालेल्या चिठ्ठीवरुन या आत्महत्येचे धक्कादायक कारणही समोर आले आहे. (Crime News In Marathi)
काय आहे संपूर्ण प्रकरण?
याबाबत सविस्तर माहिती अशी की, सिरोळ पोलीस ठाण्याच्या हद्दीतील हुरावली भागात राहणारे जितेंद्र झा हे मजुरीचे काम करतात. जितेंद्र यांची पत्नी त्रिवेणी आणि मुलगा अचल झा त्यांच्यासोबत राहते. गेल्या दोन दिवसांपासून त्यांचे बंद होते. रविवारी (२८, जानेवारी) शेजारी राहणाऱ्या लोकांना दुर्गंधी येत होती. यानंतर लोकांना संशय आल्याने याबाबतची माहिती पोलिसांना देण्यात आली.
माहिती मिळताच सिरोल पोलीस ठाण्याचे प्रभारी विनयसिंह तोमर फौजफाट्यासह दाखल झाले. आत गेल्यावर घरातले दृश्य पाहून पोलीसही हादरुन गेले. घरामध्ये पती, पत्नी आणि मुलाचा मृतदेह दोरीला लटकत असल्याचे दिसले. तसेच जितेंद्र झा यांच्या हातावर ब्लेड, चाकूच्या खुणाही आहेत.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
दरम्यान, या घटेनंतर फॉरेन्सिक तज्ज्ञांनाही घटनास्थळी पाचारण करण्यात आले. पोलीस या प्रकरणाचा खून आणि आत्महत्येच्या दृष्टीने तपास करत आहेत. घटनास्थळी मुलगा अचल झा याच्याकडे एक चिठ्ठी सापडली. ज्यामध्ये एका व्यक्तीच्या नाराजीमुळे मुलाने आत्महत्या केली आता मीही आत्महत्या करणार आहे, असे म्हटले आहे. पोलीस या प्रकरणाचा आता अधिक तपास करत आहेत. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
