Pune Crime News: पुणे विमानतळावर साडेतीन कोटींच्या सोन्याची तस्करी; महिलेसह दोघांना अटक

Gold Smuggling Dubai To Pune

अलीकडे सोन्याच्या तस्करीचे प्रमाण वाढलं (Pune Crime) आहे. नुकतंच पुण्यात दुबईहून सोन्याची तस्करी होत असल्याचं समोर आलंय. या प्रकरणी डीआरआयने ६ किलो सोनं जप्त केलं आहे. तसंच सोन्याची तस्करी करणाऱ्या महिलेसह दोघांना पोलिसांकडून अटक देखील करण्यात आली आहे. (latest crime news)

डीआरआयने लावला विमानतळावर सापळा

दुबईहून सोन्याची तस्करी करून एक महिला पुणे विमानतळावर (Pune International Airport) येणार असल्याची माहिती डिरेक्टोरेट ऑफ रेव्हेन्यू इंटेलिजन्सला (डीआरआय) मिळाली होती. त्यानुसार पथकाने विमानतळावर सापळा लावला होता. दोघांची तपासणी केली असता त्यांच्याकडे सोने आढळून आले. त्यानुसार महिलेसह तिच्याबरोबर असलेल्या दोघांना अटक करण्यात आली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

६ किलो ९१२ ग्रॅम सोनं जप्त

आरोपींनी ६ किलो ९१२ ग्रॅम वजन असलेल्या सोनं दुबईवरून तस्करी करून आणलं होतं. ते सोनं महसूल गुप्तचर संचलनालयाने (डीआरआय) पुणे आंतरराष्ट्रीय विमानतळावर जप्त केलंय. सोन्याची तस्करी करणाऱ्या या महिलेसह दोघांना पोलिसांनी अटक केली (Gold smuggling Dubai To Pune) आहे.

संशयावरून चौकशी

विमानतळावर आल्यानंतर एक महिला पोलिसांना अतिशय गडबडीत दिसली. ती महिला आणि तिचा साथीदार खूप घाईने विमानतळाच्या बाहेर पडण्याच्या तयारीत होती. डीआरआयच्या पथकाने या दोघांची संशयावरून चौकशी सुरू केली. त्या दोघांची तपासणी केली, तेव्हा त्यांच्याकडे हे सोनं (Gold smuggling) आढळून आलं.

कस्टम ॲक्टनुसार गुन्हा दाखल

दोघांविरुद्ध या प्रकरणी भारतीय सीमाशुल्क कायद्यान्वये (कस्टम ॲक्ट) गुन्हा दाखल करण्यात आला आहे.

सोन्याची पावडर करून लपवले

आरोपींनी या सोन्याची पावडर केली होती. सहा किलो ९१२ ग्रॅम वजन असलेल्या सोन्याची पावडर केली होती. ती पावडर त्यांनी पट्टा आणि पाकिटात लपवून ठेवली होती. एवढ्या मोठ्या प्रमाणावर सोने जप्त (DRI Seized gold) झाल्यामुळं एकच खळबळ उडाली आहे.