आधी लग्न लपवलं, रहस्य उघडकीस आलं अन् प्रेयसीवर पेट्रोल ओतून जिवंत जाळलं, क्रूर कृत्याने संतापाची लाट

गुरुग्राममध्ये एका विवाहित तरुणाने किरकोळ वादानंतर आपल्या 23 वर्षीय प्रेयसीला जीवंत जाळून ठार मारल्याची धक्कादायक घटना घडली आहे. मृत तरुणीच्या कुटुंबियांच्या तक्रारीवरून सेक्टर 9 ए पोलिसांनी आरोपी तरुणआला अटक केली आहे. कोर्टाने आरोपीला दोन दिवसांची पोलीस कोठडी सुनावली आहे.

पोलिसांनी दिलेल्या माहितीनुसार, एका व्यक्तीला त्याच्या प्रेयसीला जीवंत जाळून हत्या केल्याच्या आरोपाखाली अटक करण्यात आली आहे. ही घटना दोघांमध्ये झालेल्या वादानंतर घडली. संबंधित महिलेला तिच्या नवऱ्याचे आधीच लग्न झाले असल्याचे कळाले त्यानंतर हा वाद झाला. ही मुलगी बसई गावची रहिवासी होती दिव्या कटारिया(23) असे या मुलीचे नाव होते. सुनील कुमार उर्फ नोनी (वय 35) हा हरियाणातील झज्जर जिल्ह्यातील गुभाना गावचा रहिवासी आहे. त्याला बुधवारी अटक करण्यात आली असून न्यायालयात हजर केल्यानंतर दोन दिवसांच्या पोलीस कोठडीचा आदेश देण्यात आला.

27 जून रोजी उपचारादरम्यान दिव्या कटारियाचा मृत्यू झाला. तिच्या मृत्यूनंतर तिच्या नातेवाईक विकास यांनी 30 जून रोजी पोलिस ठाण्यात तक्रार दाखल केली. तक्रारीनुसार, 22 जून रोजी दिव्याने त्यांना सांगितले होते की सुनीलने तिला पेटवून दिले आणि जर तिने कोणाला खर सांगितले तर तिच्या आई आणि बहिणीची देखील हत्या करेल अशी धमकी दिली.

19 जून रोजी ‘आर्टेमिस हॉस्पिटल’कडून माहिती मिळाली होती की बसई गावातील 23 वर्षीय दिव्या कटारिया हिला गंभीर भाजलेल्या अवस्थेत दाखल करण्यात आले आहे. प्राथमिक उपचारांनंतर तिला दिल्लीतील सफदरजंग रुग्णालयात हलवण्यात आले. यानंतर पोलिस देखील रुग्णालयात दाखल झाले आणि त्यांनी तिच्या आईशी संपर्क साधला तेव्हा त्यांनी याबाबत कुठलीही कायदेशीर कारवाई करणार नसल्याचे ते म्हणाले.

18 जून रोजी दिव्या कटारिया सुनील कुमारच्या सोन्याच्या दुकानात गेली होती. त्यावेळी दोघांमध्ये वाद झाला, कारण तिला सुनील आधीपासून विवाहित असल्याचे समजले होते. दोघांमध्ये कडक्याचे भांडण सुरू झाले आणि याचदरम्यान सुनिलने दिव्याच्या अंगावर रॉकेल ओतले. वाद मिटवावा म्हणून दिव्याने एक फ्लॅट बुक केला, जिथे दोघे रात्री थांबले. मात्र 19 जूनच्या सकाळी पुन्हा दोघांमध्ये वाद झाला आणि त्या वेळी सुनीलने तिला पेटवून दिले.