Akola Crime: 'माझं तुझ्यावर खूप प्रेम; अग्निवीर जवानाकडून लग्नाच्या भूलथापा, 29 वर्षीय किन्नरवर अत्याचार

अक्षय गवळी, साम प्रतिनिधी

लग्नाचे आमिष दाखवून एका 29 वर्षीय तरुणावर अत्याचार केल्याचा धक्कादायक प्रकार समोर आलाय. अकोला जिल्ह्यातील अकोट तालुक्यातल्या रुईखेड गावात हा धक्कादायक प्रकार घडलाये. दरम्यान, अत्याचार पीडित 29 वर्षे तरुण हा किन्नर असल्याचे बोलले जाते. एका 23 वर्षीय अग्निवीर जवानाने लग्नाचं आमिष या किन्नरवर अत्याचार केलाय.

अकोट ग्रामीण पोलिसांनी या प्रकरणात गुन्हा दाखल करून अत्याचार करणाऱ्या तरुणाला अटक केली आहे. विशाल सुनील इंगळे असं किन्नर वर अत्याचार करणाऱ्या अग्निवीर जवानाचं नाव आहे. दरम्यान, या घटनेने अकोला जिल्ह्यात एकच खळबळ उडाली असून मोठी चर्चा आहे.

नेमकं काय आहे संपूर्ण प्रकरण?

पीडित 29 वर्षीय तरुण राहुल (बदलेले नाव) याने अकोला जिल्ह्यातील अकोट ग्रामीण पोलीस ठाण्यात दिलेल्या तक्रारीत म्हटले आहे की विशाल सुनील इंगळे (वय 23, रुईखेड ता. अकोट जि. अकोला) याने लग्नाचं आमिष दाखवून अत्याचार केल्याचा आरोप केला आहे. तालुक्यातीलच ग्राम रुईखेड तसेच अकोट शहर येथील एका फ्लॅटवर अत्याचार केल्याचा आरोप आहे.

28 आणि 30 ऑक्टोबरदरम्यान अत्याचार केल्याची घटना घडली. दरम्यान, पीडित राहुलने तक्रारीत पुढे म्हटलं आहे की 'माझं तुझ्यावर खुप प्रेम आहे, तुझ्या सोबत लग्न करतो, असं म्हणतं लग्नाचं आमिष दाखवलं, अशाप्रकारे विशाल'ने प्रेमाचा प्रस्ताव ठेवत पीडित किन्नरसोबत वारंवार शारीरीक संबंध प्रस्थापित केलं.

या अगोदरही नेहमी शारीरीक संबध करु दे, म्हणून मागणी करू लागला होता. ज्यावेळी राहुलकडून नकार यायचा, तेव्हा तो रागात शिवीगाळ करून शरीर सुखाची मागणी रेटून धरायचा, त्यानंतर लग्नाबाबत विशालकडं विचारपुस केली असता त्याने लग्नाला स्पष्ट नकार दिल्याचा आरोप देखील राहुलने तक्रारीत केलाय.

दरम्यान, या प्रकरणात आकोट ग्रामीण पोलिसांनी आरोप असलेल्या विशाल इंगळेविरुद्ध 75, 296, 351 (2) BNS 2023 सहकलम 18 (D) तृतीय पंथी (हक्काचे संरक्षन) अधिनीयम-2019 अशा विविध कलमान्वयेनुसार गुन्हा केला आहे. विशाल हा अग्निवीर दलात जवान म्हणून कार्यरत आहे, सुटीवर घरी परतल्यानंतर हे संपूर्ण प्रकरण घडलं होतं. पोलिसांनी त्याला ताब्यात घेतला असून पुढील तपास पोलीस निरीक्षक किशोर जुनघरे करीत आहे.