Success Story: जिद्द! एकदा दोनदा नव्हे तर सलग तीन वेळा क्रॅक केली UPSC; IAS चारू यांचा प्रेरणादायी प्रवास

जर कोणतीही गोष्टी करण्याचा दृढ निश्चय केला तर ते काम पूर्ण करण्यापासून आपल्याला कोणीही थांबवू शकत नाही. आपल्या इच्छाशक्तीने अशक्यही गोष्टी आपण सहजपणे शक्य करु शकतो. असंच काहीसं चारु यांनीही केलं आहे. चारू यांनी एकदा दोनदा नव्हे तर सलग तिसऱ्यांदा यूपीएससी परीक्षा क्रॅक केली आहे. यूपीएससी ही सर्वात अवघड परीक्षा आहे. ही परीक्षा अनेकांना खूप वेळा देऊनही पास करता येत नाही. त्यांनी सलग तीन वेळा ही परीक्षा पास केली आहे.

चारू यांनी शालेय शिक्षण दिल्लीतील रामजस स्कूलमधून पूर्ण केले. त्यानंतर त्यांनी दिल्ली विद्यापीठातून शहीद सुखदेव कॉलेज ऑफ बिझनेस स्टडीजमधून मॅनेजमेंट स्टडीजमध्ये ग्रॅज्युएशन पूर्ण केले. यानंतर त्यांनी यूपीएससी परीक्षेची तयारी केली . त्यांनी स्पर्धा परीक्षा देण्यासाठी अभ्यासासाठी खास स्ट्रॅटेजी वापरली त्यामुळे त्यांना यश मिळाले.

तिसऱ्या प्रयत्नात बनली IAS

IAS चारू यांनी २०१६ मध्ये यूपीएससी (UPSC) परीक्षा दिली. त्यावेळी त्यांचे सिलेक्शन भारतीय रेल्वेत IRSS साठी झाले होते. त्यानंतर त्यांनी पुन्हा २०१८ साली यूपीएससी परीक्षा दिली. यावेळी त्यांनी २७६ रँक मिळवली. यावेळी त्यांचे सिलेक्शन भारतीय लेखा परीक्षा आणि लेखा सेवा यासाठी झाली. परंतु त्यांना आयएएस व्हायचे होते. त्यामुळे त्यांनी पुन्हा परीक्षा दिली. यावेळी त्यांची IAS म्हणून निवड झाली.

चारु यांनी आपले स्वप्न पूर्ण करण्यासाठी खूप मेहनत घेतली आणि त्याचे त्यांना फळदेखील मिळाले. त्यांनी आयएएस होण्यासाठी तीनदा यूपीएससी परीक्षा दिली. तिन्ही वेळा त्यांनी ही परीक्षा क्रॅकदेखील केली. त्यांचा हा प्रवास सर्वांसाठी प्रेरणादायी आहे.