Success Story: २० वेळा फेल, एकदा नव्हे तर दोनदा UPSC पास; विवेक यादव यांचा प्रेरणादायी प्रवास

यशस्वी होण्यासाठी जिद्द आणि सातत्य या दोन गोष्टी महत्त्वाच्या असतात. जर तुम्ही सातत्याने एखादी गोष्ट केली तर तुम्हाला कधीच अपयशाचा सामना करावा लागणार नाही. तुम्हाला एक दिवस यश हे नक्कीच मिळेल. असंच काहीसं विवेक यादव यांनी केलं. २० वेळा परीक्षेत नापास होऊनदेखील त्यांनी हार मानली नाही. त्यांनी पुन्हा एकदा परीक्षा दिली. त्यांच्या या प्रयत्नांना यश मिळाले. विवेक यादव यांनी सलग दोनदा यूपीएससी परीक्षा पास केली.

विवेक यादव हे मध्य प्रदेशमधील चंदेरी येथील रहिवासी आहेत. त्यांचे वडील नवल सिंह यादव हे ड्रायव्हर आहेत.आई घरी शिलाईचे काम करते. घरची आर्थिक परिस्थिती बेताची होती. मात्र, त्यांच्या आईवडिलांनी मुलांच्या अभ्यासात कोणतीही कसर सोडली नाही. त्यांनी नेहमीच मुलांच्या शिक्षणासाठी प्रोत्साहन दिले.

विवेक यादव यांनी सुरुवातीचे शिक्षण चंदेरी येथील सरस्वती विद्या मंदिर येथून पूर्ण केले. यानंतर दिल्ली विद्यापीठातून हिस्ट्रीमध्ये ग्रॅज्युएशन पूर्ण केले. त्यानंतर इंदिरा गांधी ओपन युनिव्हर्सिटीमधून इतिहास विषयात पोस्ट ग्रॅज्युएशन केले.

विवेक यादव यांनी सरकारी नोकरीसाठी परीक्षेची तयारी सुरु केली. त्यांनी ५ वेळा MPPSC परीक्षा, UPPSC परीक्षा,CAPF आणि BPSC यांनी २० परीक्षा दिल्या.परंतु त्यांना परीक्षेत यश आले नाही. त्यांनी हार मानली नाही.

राज्यस्तरीय परीक्षेनंतर त्यांनी UPSC परीक्षा दिली. त्यांना २०२४ मध्ये यश मिळाले. त्यांना ४१३ रँक प्राप्त झाली. त्यांची असिस्टंट कमिश्नर रेल्वे पदासाठी निवड झाली. परंतु त्यांना आयपीएस व्हायचे होते. त्यांनी पुन्हा एकदा परीक्षा दिली. या परीक्षेत त्यांना यश मिळाले.