SBI चं कर्ज महागलं; बँकेच्या नव्या ​​व्याजदरामुळे ग्राहकांच्या खिश्यावर पडणार ताण, जाणून घ्या नवे Interest Rate

देशातील सर्वात मोठी सरकारी बँक स्टेट बँक ऑफ इंडिया (SBI) ने आजपासून म्हणजेच 15 ऑगस्टपासून आपल्या सर्व मुदतीच्या कर्जावरील व्याजदरात वाढ केलीय. बँकेने मार्जिनल कॉस्ट ऑफ लेंडिंग रेट (MCLR) मध्ये 10 बेसिस पॉईंट्सने वाढ केलीय.

RBI ने रेपो दर 6.5 टक्क्यांवर स्थिर ठेवण्याचा निर्णय घेतल्यानंतर काही दिवसांनी SBI द्वारे MCLR मध्ये ही नवीनतम वाढ झालीय. SBI कडून MCLR मध्ये वाढ करण्याचा हा सलग तिसरा महिना आहे. बँकेने जून 2024 पासून काही मुदतीच्या कर्जासाठी व्याजदर 0.30 टक्क्यांनी वाढवलेत. एक आधार बिंदू म्हणजे टक्केवारीचा शंभरावा भाग. दरम्यान कार्यकाळ म्हणजे कर्जदाराने कर्जाचे हप्ते वितरित करण्यासाठी कर्जदाराला (कर्जदार) दिलेल्या कर्जाचा किंवा क्रेडिटचा कालावधी असतो.

MCLR हे कर्जावरील किमान व्याज आहे, यावर RBI द्वारे काही प्रकरणे वगळता बँकेला कर्ज देण्याची परवानगी नाही. उच्च MCLR म्हणजे कर्जदारांसाठी व्याजदर जास्त असतील आणि EMI देखील जास्त असतील. तीन वर्षांच्या कालावधीसाठी एसबीआयचा नवीन एमसीएलआर आता 9 टक्क्यांवरून 9.1 टक्के करण्यात आलाय. एकाच दिवसात एमसीएलआर 8.1 टक्क्यांवरून 8.2 टक्के केला.

याप्रमाणे सहा महिन्यांच्या MCLR साठी सुधारित दर 8.85 टक्के आहे. जे आधी 8.75 टक्के होता. याशिवाय बँक एका वर्षाच्या कर्जावर 8.95 टक्के MCLR आकारेल. दोन वर्षांच्या कालावधीच्या कर्जावरील सुधारित MCLR आता 9.05 टक्के असणार आहे.

एसबीआय बँक विविध प्लॅनमध्ये कर्ज देत असते. यातील एक प्लॅन म्हणजे SBI स्त्री शक्ती योजना. या योजनेतून ग्राहक

कृषी उत्पादनांचा व्यापार

14C साबण आणि डिटर्जंट व्यवसाय

दुग्ध व्यवसाय

कपडे उत्पादन व्यवसाय

पापड बनवण्याचा व्यवसाय

खतांची विक्री

कुटीर उद्योग

कॉस्मेटिक वस्तू

ब्युटी पार्लर व्यवसाय