Ladki Bahin Yojana: संक्रांत झाली लाडक्या बहिणींना जानेवारीचा हप्ता कधी मिळणार? समोर आली अपडेट

महाराष्ट्र सरकारने महिलांसाठी लाडकी बहीण योजना सुरु केली आहे. लाडकी बहीण योजनेत महिलांना दर महिन्याला १५०० रुपये मिळतात. या योजनेत आता महिलांना जानेवारी महिन्याच्या हप्त्याची प्रतिक्षा आहे. जानेवारी महिन्याचा हप्ता कधी येणार, असा प्रश्न महिलांच्या मनात निर्माण झाला आहे.

जानेवारी महिन्याचा हप्ता हा मकरसंक्रांत म्हणजेच १४ जानेवारीपर्यंत दिला जाईल, असं सांगण्यात येत आहे. मात्र, आता अजूनही पैसे न आल्याने महिलांच्या मनात अनेक प्रश्न निर्माण झाले आहे. जानेवारी महिन्याचा हप्ता लवकरच देण्यात येईल, असं सांगितले आहे. (Ladki Bahin Yojana)

लाडकी बहीण योजनेत महिलांना आतापर्यंत ९००० रुपये दिले गेले आहेत. दरम्यान, या महिन्याचा हप्ता येण्याआधी महिलांच्या अर्जाची तपासणी होणार असल्याचे सांगितले जात होते. मात्र, फक्त तक्रारी आल्यानंतर महिलांचे अर्ज तपासले जाणार असल्याची माहिती आदिती तटकरे यांनी दिली होती. जानेवारी महिन्याचे पहिले १५ दिवस उलटून गेले तरीही अजून पुढचा हप्ता आला नाही म्हणून महिलांच्या मनात प्रश्न निर्माण झाले आहे.(Ladki Bahin Yojana Update)

लाडकी बहीण योजनेत आता अपात्र महिलांना स्वतः हून अर्ज मागे घेण्यास सांगितले आहे. जर तुम्ही अपात्र असाल तरीही तुम्हीही अर्ज माघारी घ्या. अन्यथा तुम्हाला दंड भरावा लागू शकतो, असं सांगण्यात येत आहे.

२१०० रुपये कधी मिळणार?

लाडकी बहीण योजनेत महिलांना २१०० रुपये देणार असल्याचे आश्वासन महायुती सरकारने दिले होते. या योजनेत मार्च महिन्यापासून महिलांना २१०० रुपये दिले जाऊ शकतात. अर्थसंकल्पीय अधिवेशनानंतर हा निर्णय घेतला जाऊ शकतो.