LIC Policy: रोज ४५ रुपये जमा करा अन् २५ लाख रुपये मिळवा; काय आहे LIC जीवन आनंद पॉलिसी? जाणून घ्या

भारतीय आयुर्विमा महामंडळ नेहमीच नागरिकांसाठी नेहमीच नवनवीन योजना राबवत असते. या योजनांमध्ये नागरिकांना भरघोस परतावा मिळतो. अशीच एक योजना म्हणजे LIC जीवन आनंद पॉलिसी. जीवन आनंद पॉलिसीमध्ये तुम्ही रोज ४५ रुपये भरुन २५ लाख रुपये मिळवू शकतात. या योजनेच लहान मुलांपासून ते वृद्ध लोकांपर्यंत सर्वजण गुंतवणूक करु शकतात.

एलआयसी जीवन आनंद पॉलिसी ही एक टर्म पॉलिसी आहे. ही पॉलिसी जोपर्यंत आहे तोपर्यंत तुम्ही प्रिमियम भरु शकतात. या पॉलिसीमध्ये तुम्ही १ लाख रुपयांपर्यंत पैसे गुंतवू शकतात.

जर तुम्ही एलआयसी जीवन आनंद पॉलिसीमध्ये रोज ४५ रुपये गुंतवले तर तुम्हाला २५ लाख मिळवू शकतात. रोज ४५ रुपये म्हणजे महिन्याला १३५८ रुपये जमा केले जातात.ही पॉलिसी १५ ते ३५ वर्षांपर्यंत उपलब्ध आहे. जर तुम्ही रोज ४५ रुपये भरले तर ३५ वर्षांनंतर तुम्हाला २५ लाख रुपये मिळतील. रोज ४५ रुपये म्हणजेच तुम्ही वर्षाला या १६३०० रुपयांची गुंतवणूक करतात.

एलआयसीच्या या पॉलिसीत वार्षिक १६३०० रुपये गुंतवले म्हणजेच ३५ वर्षांसाठी तुम्ही ५,७०,००० रुपये होतील. या पॉलिसीचा मूळ विमा ५ लाख रुपये आहे. याच्या मॅच्युरिटीनंतर तुम्हाला ८.६० लाख रुपयांचा रिव्हिजनरी बोनस मिळेल. ११.५० लाख रुपयांचा अंतिम बोनस दिला जाईल. या पॉलिसीमध्ये दोनदा बोनस दिला जातो. परंतु यासाठी तुमची पॉलिसी १५ वर्षांची असणे गरजेचे आहे.