ITR Filling 2025: उत्पन्न एक रूपयाही नाही, तरीही आयटीआर भरावा का? आयकर विभागाचा नियम वाचा

आयटीआर फाइल करण्यासाठी अवघे काही दिवस उरले आहेत. आयटीआर फाइल करण्याची शेवटची तारीख ही १५ सप्टेंबर २०२५ आहे. त्यामुळे ज्यांनी अजूनही आयटीआर फाइल केले नाही त्यांनी लवकरात लवकर करावेत. दरम्यान, काही ठरावीक उत्पन्न हे टॅक्स फ्री असते. त्यामुळे अनेकांना वाटते की, आपण त्या उत्पन्न गटात आहोत तर आयटीआर फाइल करणे गरजेचे नाही. परंतु तुमचे उत्पन्न शून्य जरी असले तरीही तुम्हाला आयटीआर फाइल करावा लागतो.

तुमचे उत्पन्न शून्य जरी असले तरीही आयटीआर भरावा लागणार

प्रत्येक उत्पन्न गटातील लोकांना आयटीआर फाइल करणे अनिवार्य आहे. जर आयटीआर फाइल केला नाही तर तुम्हाला दंड भरावा लागेल. अन्यथा आयकर विभाग तुम्हाला नोटीसदेखील पाठवू शकतो.

करंट अकाउंटमध्ये १ कोटीपेक्षा जास्त रक्कम असल्यावर

जर तुमच्या खात्यात १ वर्षाच्या आत १ कोटी किंवा त्यापेक्षा जास्त रक्कम जमा केली तर त्यांना आयटीआर फाइल करावा लागतो.कॅश किंवा डिजिटल पद्धतीने ट्रान्झॅक्शनवर हे नियम लागू आहेत.

परदेशातील ट्रीपवर २ लाखांपेक्षा जास्त खर्च

जर तुम्ही वर्षभरात परदेशात फिरायला गेला असाल आणि त्यावर २ लाख किंवा त्यापेक्षा जास्त खर्च केला असेल तर आयटीआर फाइल करणे अनिवार्य आहे. वैयक्तिक आणि बिझनेस ट्रीप या दोन्हींसाठी हा नियम लागू आहे.

विजेचे बील १ लाखांपेक्षा जास्त असल्यास

जर तुमचे विजेचे बिल १ लाखांपेक्षा जास्त आले असेल तर आयटीआर फाइल करावा लागतो. जे लोक आपले उत्पन्न कमी दाखवतात. त्यांच्यासाठी हा नियम लागू होतो.

टीडीएस कापून गेल्यावर आयटीआर फाइल करावा

जर तुमचा वर्षभरात २५ हजार किंवा त्यापेक्षा जास्त टीडीएस कापून गेला असेल तर आयटीआर फाइल करावा. ज्येष्ठ नागरिकांसाठी ही मर्यादा ५० हजार रुपये आहे.

परदेशात संपत्ती किंवा असणाऱ्यांना भरावा लागणार आयटीआर

जर तुमच्या नावावर दुसऱ्या देशातील संपत्ती असेल तर त्यांना आयटीआर फाइल करावा लागणार आहे. आयटीआर फाइल करताना तुम्हाला परदेशातील सर्व संपत्तीची माहिती द्यावी लागणार आहे.