गर्ल्स हॉस्टेल बनलं देहविक्रीचा अड्डा; व्हॉट्सअ‍ॅपवर डील अन् मोठी रक्कम, १० तरूणींसह ११ जण ताब्यात

गर्ल्स हॉस्टेलमध्ये सेक्स रॅकेट सुरू असल्याची धक्कादायक माहिती समोर आली आहे. हा संपूर्ण प्रकार झारखंडच्या रांचीमधून उघडकीस आला आहे. या प्रकरणाची माहिती पोलिसांना मिळताच त्यांनी धाड टाकली. तसेच १० तरूणींसह ११ जणांना ताब्यात घेतलं आहे. हॉस्टेलमधून पीडित मुलींनी विविध ठिकाणी पाठवले जात होते. या प्रकरणी पोलिसांकडून अधिक तपास सुरू आहे.

मिळालेल्या माहितीनुसार, रांचीच्या लालपूरमध्ये ओम गर्ल्स हॉस्टेलमध्ये हा संपूर्ण प्रकार सुरू होता. मुलींच्या वसतीगृहात सेक्स रॅकेट सुरू होते. पोलिसांना वेश्याव्यवसायाची माहिती मिळाल्यानंतर त्यांनी तात्काळ एक पथक तयार केले. तसेच छापा टाकत कारवाईला सुरूवात केली. पोलीस अधिकाऱ्यांनी दिलेल्या माहितीनुसार, सुरूवातीच्या तपासात असे दिसून आले आहे की, वसतीगृहाचा वापर बऱ्याच काळापासून सेक्स रॅकेट म्हणून केला जात होता.

ही टोळी पीडित तरूणींना गर्ल्स हॉस्टेलमध्ये ठेवत असे. तसेच त्यांची डील व्हॉट्सअॅपवर ठरल्यानंतर त्या ठिकाणी पाठवत असे. या बदल्यात त्यांना मोठी रक्कम मिळत होती. या ऱॅकेटमध्ये अनेक बाहेरील लोकांचाही सहभाग असू शकतो, असाही अंदाज पोलिसांना व्यक्त केला आहे. या प्रकरणात आतापर्यंत १० तरूणींसह ११ जणांना ताब्यात घेतलं आहे.

शहर डीएसपी वेंकटेश रमण , कोतवाली डीएसपी प्रकाश सोय, लालपूर पोलीस ठाण्याचे प्रभारी रूपेश कुमार यांच्यासह जिल्ह्यातील अनेक पोलीस अधिकारी यांनी या सेक्सचा रॅकेटवर छापा टाकून कारवाई केली आहे. या प्रकरणाचा सुत्रधार आणि साथीदारांची ओळख पटवली जात आहे.

यापूर्वीही ११ ऑगस्ट रोजी, पोलिसांनी झारखंडमधील हजारीबागमध्ये एका मोठ्या सेक्स रॅकेटचा पर्दाफाश केला होता. महामार्गालगतच्या सहा हॉटेल्सवर छापा टाकण्यात आला होता. २६ तरूण-तरूणी आक्षेपार्ह स्थितीत आढळले. यातील १७ जणांना तुरूंगात पाठवण्यात आलं होतं. या सेक्स रॅकेटमध्ये हॉटेल्सचे संचालक आणि व्यावस्थापक यांचाही समावेश होता.