Success Story: नासामधील लाखो रुपयांच्या पगाराची नोकरी सोडली, यूपीएससी दिली; पाचव्या प्रयत्नात IPS; अनुकृति शर्मा यांचा प्रवास

प्रशासकीय सेवेत चांगल्या पदावर काम करण्याची अनेकांची इच्छा असते. यासाठी अनेकजण स्पर्धा परीक्षा देतात. देशातील सर्वात अवघड परीक्षा म्हणजे यूपीएससी. यूपीएससी परीक्षा पास करण्यासाठी खूप मेहनत करावी लागते. हे स्वप्न पूर्ण करण्यासाठी अनेकांनी लाखो रुपये पगाराची नोकरी सोडली आहे. त्यांनी यूपीएससी परीक्षेचा अभ्यास केला. असंच एक उदाहरण म्हणजे अनुकृति शर्मा.

अनुकृति शर्मा यांनी मोठ्या जिद्दीने आणि मेहनतीने यूपीएससी परीक्षा पास केली आहे. त्यांनी आपले स्वप्न पूर्ण करण्यासाठी दिवसरात्र एक करुन अभ्यास केला. अनुकृति शर्मा या नासामध्ये नोकरी करायच्या. त्यांनी नासामधील नोकरी सोडली आणि यूपीएससी परीक्षा देण्याचा निर्णय घेतला. आज त्या आयपीएस अधिकारी म्हणून कार्यरत आहेत.

शिक्षण

अनुकृति शर्मा या मूळच्या जयपूरच्या आहेत. त्यांना यूपीएससी परीक्षा २०२० मध्ये यश मिळाले. त्यांचा जन्म १४ ऑक्टोबर १९८७ मध्ये राजस्थानमध्ये झाला. त्यांनी शालेय शिक्षण जयपूरमधून पूर्ण केले. यानंतर त्यांनी कोलकत्ता येथील इंडियन इन्स्टिट्यूट ऑफ सायन्स एज्युकेशन अँड रिसर्चमधून बीएसएमएस पदवी प्राप्त केली. त्यांची २०२१२ मध्ये राइस युनिव्हर्सिटीमध्ये वॉल्केने रिसर्चच्या पीएचडी प्रोग्रामसाठी निवड झाली.

नासामधील नोकरी सोडली अन् यूपीएससी परीक्षा दिली

अनुकृति शर्मा या पीएचडीचा अभ्यास करतानाच त्यांना नासामधून ऑफर आली. त्यांनी ती ऑफर स्विकरली. त्यांना २ लाख रुपये पगार होता. मात्र, तरीही अनुकृति यांना देशासाठी काहीतरी करायचे आहे. यामुळे त्यांनी यूपीएससी परीक्षा देण्याचा निर्णय घेतला.

पाचव्या प्रयत्नात यूपीएससी परीक्षा पास

अनुकृति या भारतात परतल्या. त्यांनी २०२४ मध्ये यूपीएससी (UPSC) परीक्षेची तयारी सुरु केली. २०१५ मध्ये पहिल्या प्रयत्नात त्यांनी प्रिलियम्स पास केली. मात्र, मेन्स परीक्षेत त्यांना अपयश आले. दुसऱ्या प्रयत्नात त्यांना प्रिलियम्स परीक्षेतही यश मिळाले नाही. मात्र, त्यांनी हार मानली नाही.२०१८ मध्ये त्यांना ३५५ रँक मिळाली. त्यांची आयआरएस पदावर निवड झाली. मात्र, त्यांना आयपीएस व्हायचे होते. २०२० मध्ये त्यांनी पाचव्या प्रयत्नात यूपीएससी परीक्षा पास केली. त्या आयपीएस अधिकारी म्हणून कार्यरत आहेत.