Success Story: वडिलांच्या वर्दीकडे पाहून प्रेरणा मिळाली, थेट आयएपीस झाला; अभिनव शर्मा यांचा यशस्वी प्रवास

यूपीएससी ही देशातील सर्वात अवघड परीक्षांपैकी एक आहे. यूपीएससी परीक्षेत पास होण्यासाठी खूप मेहनत करावी लागते. दरवर्षी लाखो तरुण परीक्षेला बसतात. त्यातील अनेकांना अपयश मिळते. परंतु कितीही अपयश मिळाले तरीही हार मानायची नसते. असंच काहीसं आयपीएस अभिनव शर्मा यांनी केलं.

अभिनव शर्मा यांनी यूपीएससी परीक्षेत १३०वी रँक प्राप्त केली. त्यांनी आपल्या कुटुंबाचे स्वप्न पूर्ण केले. त्यांचे वडील हे पोलिस इन्स्पेक्टर आहेत तर काका पोलिस कॉन्स्टेबल आहेत.

अभिनव यांचे वडील रमेश चंद्र शर्मा हे पोलिस आहेत. वडिलांना वर्दीत पाहून त्यांना खूप आनंद व्हायचा. याच वर्दीकडे पाहून त्यांनी यूपीएससी परीक्षेचं स्वप्न पाहिले आणि पूर्णदेखील केले. त्यांनी २०२० मध्ये इंजिनियरिंगचे शिक्षण घेता घेता यूपीएससी परीक्षेची तयारी केली.

यूपीएससी आधी अभिनव शर्मा यांनी JEE परीक्षा पास केली. इंजिनियरिंगसोबतच त्यांनी यूपीएससी परीक्षेची तयारी केली. २०२० मध्ये त्यांनी आयआयटी पाटणा येथून ग्रॅज्युएशन केले. त्यानंतर त्यांनी यूपीएससी परीक्षेची तयारी केली.

यूपीएससीच्या पहिल्या प्रयत्नात ते प्रिलियम्स परीक्षादेखील पास कली नाही. ते दुसऱ्या प्रयत्नात इंटरव्हूयपर्यंत पोहचले परंतु त्यांना यश मिळाले नाही. तिसऱ्या प्रयत्नात त्यांची निवड पोस्टल सर्व्हिसमध्ये झाली. परंतु ते समाधानी नव्हते. शेवटी २०२४ मध्ये चौथ्या प्रयत्नात त्यांनी यूपीएससी परीक्षा पास केली आणि ते आयपीएस झाले.

सोशल मीडियापासून दूर

कोरोनाच्या काळात अभिनव यांनी खूप अभ्यास केला. या काळात ते मनाने खूप खचले होते. त्यामुळे त्यांनी अभ्यासासाठी सोशल मीडियापासून दूर राहायला निर्णय घेतला. अभ्यास करताना त्यांनी सोशल मीडियाचा वापर केला नाही.