Income Tax Refund: इन्कम टॅक्स विभागाकडून रिफंड कमी आलाय? काय कराल? जाणून घ्या सविस्तर

देशातील कोट्यवधी करदात्यांनी आयकर रिटर्न फाइल केला आहे. आयकर रिटर्न फाइल करुन आता १०-१५ दिवस झाले आहेत. त्यामुळे आता आयकर रिफंड कधी येणार याकडे संपूर्ण करदात्यांचे लक्ष लागले आहे. सामान्यतः आयकर रिटर्न फाइल केल्यानंतर ३-४ आठवड्यांमध्येल करदात्यांच्या अकाउंटला रिफंडचे पैसे येतात. (Income Tax Refund)

करदात्यांना इन्कम टॅक्स डिपार्टमेंट रिफंड तुमच्या अकाउंटला जमा करते. परंतु जर तुम्ही जास्त रिटर्न भरला असेल तरच करदात्यांना रिफंड मिळतो. इन्कम टॅक्स फाइल करताना करदात्यांच्या टॅक्सचे कॅलक्युलेशन केले जाते.आयटीआर फाइल करताना करदात्यांनी किती कर भरला आहे, याची माहिती मिळते.त्यानंतरच आयटीआर प्रक्रियेची संपूर्ण माहिती तुम्हाला मिळते.

इन्कम टॅक्स डिपार्टमेंट कलम १४३(१)अंतर्गत करदात्यांना रिटर्न भरण्याच्या प्रोसेसची सर्व माहिती मिळते.ही माहिती आयकर विभाग ईमेलवर पाठवते. तसेच इन्कम टॅक्स फायलिंग वेबसाइटवर लॉग इन करुन तुम्ही आयकर रिटर्नचा स्टेट्‍स चेक करु शकतात. या प्रक्रियेत तुमची टॅक्स लायबिलिटी (Tax Liability) आणि टॅक्स रिफंडची सर्व माहिती ई-मेलद्वारे दिली जाते. जर तुमचा इन्कम टॅक्स रिफंड हा कमी आला आणि तुम्हाला जास्त रिफंड येण्याची अपेक्षा असेल तर तुम्ही इन्कम टॅक्स कायद्याच्या कलम १५४ अंतर्गत रेक्टिफिकेशन रिक्वेस्ट फाइल करु शकतात.

करदाते हे ई-फायलिंग वेबसाइटवरुन टॅक्सपेयर्स रेक्टिफिकेशन रिक्वे्ट (Rectification Request) करु शकतात. याबाबत ८ ऑगस्ट रोज इन्कम टॅक्स विभागाने माहिती दिली आहे.त्यामुळे जर तुमचा आयकर रिफंड हा कमी आला तर तुम्ही आयकर विभागाला रिक्वेस्ट पाठवून माहिती मिळवू शकतात.