Pune Hospitals Threat Mail
Pune Hospitals Threat Mail Saam TV

Pune News : पुण्यातील ६० ते ७० रुग्णालयांना बॉम्बने उडवून देण्याची धमकी; ई-मेल प्राप्त होताच पोलिसांची धावपळ

Pune Hospitals Threat Mail : पुण्यातील ६० ते ७० रुग्णालयांना बॉम्बने उडवून देण्याची धमकी अज्ञात व्यक्तीने ई-मेलद्वारे दिली. यामुळे शहरात मोठी खळबळ उडाली.

पुण्यातील सह्याद्री हॉस्पिटलसह ६० ते ७० रुग्णालयांमध्ये बॉम्ब ठेवलाय, असा धमकीचा ई-मेल अज्ञात व्यक्तीने पाठवला. यामुळे शहरात मोठी खळबळ उडाली. पोलिसांनी तातडीने डेक्कन परिसरात धाव घेऊन हॉस्पिटलची तपासणी केली. यावेळी बॉम्बशोधक पथकही होते. तपासणीनंतर कुठलीही बॉम्बसदृश्य वस्तू आढळून आली नाही.

Pune Hospitals Threat Mail
Mumbai Hospitals Threat Mail: मुंबईतील ६० हॉस्पिटलला धमकीचे ईमेल; पोलिसांची धावपळ, डॉक्टरांसह पेशंट धास्तावले

त्यामुळे नागरिकांनी घाबरून जाण्याचे कारण नाही, असं आवाहन पोलिसांनी केलं आहे. बॉम्ब ठेवल्याची धमकी दिल्याचा हा खोडकरपणा नेमका कुणी केला? याचा तपास सध्या पुणे पोलिसांकडून केला जात आहे. सध्या पोलिसांचे पथक रुग्णालय परिसरात ठाण मांडून आहेत.

तसेच ज्या ई-मेलवरून रुग्णालयांना धमकी आली, त्याचे तांत्रिक विश्लेषण करण्याचे काम सुरू आहे. पुणे शहरातील डेक्कन परिसरात सह्याद्री हॉस्पिटल आहे. या हॉस्पिटलच्या ई-मेलवर सोमवारी (ता. १७) एका अज्ञात व्यक्तीने बॉम्ब ठेवल्याच्या धमकीचा मेल पाठवला. यामुळे रुग्णालयातील डॉक्टर चांगलेच धास्तावले.

त्यांनी या घटनेची माहिती पोलिसांना दिली. पोलिसांची बॉम्बशोधक पथकासह रुग्णालय गाठले. यावेळी हॉस्पिटलचा कानाकोपरा तपासण्यात आला. मात्र, कुठलीही बॉम्बसदृश्य वस्तू आढळून आली नाही. दरम्यान, धमकी देणाऱ्या व्यक्तीने एकाचवेळी शहरातील ६० ते ७० रुग्णालयांने हे धमकीचे मेल पाठवले होते.

मुंबईतील रुग्णालयांना बॉम्बने उडवण्याची धमकी

मुंबईतील अनेक रुग्णालयांना देखील सोमवारी अज्ञात व्यक्तीने बॉम्बने उडवून देण्याची धमकी दिली. या घटनेमुळे रुग्णालयातील कर्मचारी, रुग्ण तसेच त्यांच्या नातेवाईकांमध्ये भीतीचे वातावरण निर्माण झाले होते. पोलिसांनी श्वानपथकासह रुग्णालयांची तपासणी केली असता काहीच आढळून आले नाही. बॉम्बची अफवा असल्याचे स्पष्ट होताच सर्वांनीच सुटकेचा श्वास सोडला.

Pune Hospitals Threat Mail
VIDEO: 'लोकसभा निकालात मोठी डील, निवडणूकीत आदर्श घोटाळा', संजय राऊतांचा खळबळजनक आरोप

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com