HSRP Number Plate: HSRP नंबरप्लेट बसवली नाही, डेडलाइन संपली, आता काय कारवाई होणार? वाचा सविस्तर

महाराष्ट्र परिवहन विभागाने सर्व वाहनांना एचएसआरपी नंबरप्लेट बसवणे अनिवार्य आहे. एचएसआरपी नंबरप्लेट बसवण्याची शेवटची तारीख ३१ डिसेंबर २०२५ होती. दरम्यान, आता डेडलाइन संपली आहे तरीही लाखो वाहनधारकांनी नंबरप्लेट रजिस्ट्रेशन केले नाही. आता ज्यांनी नंबरप्लेट बसवली नाही त्यांच्यावर कारवाई होणार, असं आरटीओने सांगितलं आहे.

हाय सिक्युरिटी नंबरप्लेट बसवण्यासाठी अनेकदा मुदतवाढ देण्यात आली होती. सर्वात आधी ३१ मार्च २०२५ डेडलाइन होती. यानंतर ३० जून २०२५ आणि त्यानंतर १५ ऑगस्टपर्यंत नंबरप्लेट बसवण्यास सांगितले होते. यानंतर ३० नोव्हेंबर डेडलाइन दिली होती. त्यानंतर वर्षाअखेरीस ३१ डिसेंबर रोजी नंबरप्लेट बसवण्याची शेवटची तारीख होती.

एचएसआरपी नंबरप्लेट बसवण्याची डेडलाइन वाढणार का? (HSRP Number Plate Registation Deadline Extended or not)

राज्यातील अजूनही लाखो वाहनधारकांनी एचएसआरपी नंबरप्लेट बसवली नाही. नागपुरमधील १३ लाख, पुण्यातील १६ लाख वाहनांना एचएसआरपी नंबरप्लेट बसवलेली नाही. त्यामुळे डेडलाइन वाढवणार का असा प्रश्न विचारला जात आहे. दरम्यान, याबाबत कोणतीही अधिकृत माहिती समोर आलेली नाही.

काय कारवाई होणार?

परिवहन विभागाने सांगितले की, एचएसआरपी नंबप्लेट न बसवणाऱ्या वाहनधारकांना गाडी ट्रान्सर, लोन रिपेमेंट रोखले जाणार आहे, याचसोबत वाहनाचे री रजिस्ट्रेशन, मॉडिफिकेशन, लायसन्स रिन्यूअल होणार नाही.

दंड भरावा लागणार

जर तुम्ही एसआरपी नंबरप्लेट बसवली नाही तर तुम्हाला दंड भरावा लागणार आहे. सुरुवातीला हा दंड १००० रुपये निश्चित करण्यात आला होता. त्यानंतर आता ५ ते १०,००० रुपयांचा दंड तुम्हाला भरावा लागेल.