मोठी बातमी! HSRP नंबरप्लेट बसवण्यासाठीची मुदत पुन्हा वाढवली! शेवटचा दिवस कोणता?

HSRP : १ एप्रिल २०१९ पूर्वी नोंदणीकृत वाहनांना उच्च सुरक्षा नोंदणी क्रमांक म्हणजेच एचएसआरपी प्लेट वाहनांवर बसवण्याबाबत महाराष्ट्र सरकारने मोठा निर्णय घेतला आहे. जुन्या वाहनांना उद्या (१५ ऑगस्ट) पर्यंत एचएसआरपी नंबर बसवण्याची मुदत देण्यात आली होती. आता एचएसआरपी नंबर प्लेट बसवण्यासाठी ३० नोव्हेंबर २०२५ पर्यंत अंतिम मुदत देण्याचा निर्णय सरकारने घेतला आहे.

एचएसआरपी नंबरसाठी परिवहन विभागाच्या वेबसाईटवर जाऊन वाहन मालकांनी ३० नोव्हेंबर २०२५ पर्यंत अपॉईंटमेंट घ्यावी. १ डिसेंबर २०२५ नंतर एचएसआरपी नंबर प्लेट न बसविणाऱ्या वाहनांवर दंडात्मक कारवाई केली जाईल. ३० नोव्हेंबरपर्यंत अपॉईंटमेंट घेतलेल्या वाहनांवर कारवाई होणार नाही, अशी माहिती सह परिवहन आयुक्त शैलेश कामत यांनी दिली आहे.

राज्य सरकारने १ एप्रिल २०१९ पूर्वी नोंदणीकृत वाहनांना एचएसआरपी नंबर प्लेट बसवण्यासाठी १५ ऑगस्ट २०२५ ची मुदतवाढ दिली होती. मात्र अनेक वाहनमालकांनी ही नंबर प्लेट बसवून घेतली नव्हती. मुदत संपायला एक दिवस बाकी असताना सरकारने पुन्हा एकदा मुदत वाढून दिली आहे. आता ३० नोव्हेंबर पर्यंत वाहनमालकांनी एचएसआरपी नंबर प्लेट बसवून घ्यावी असे आवाहन करण्यात आले आहे.

HSRP नंबर प्लेट मिळवण्यासाठी काय करावे?

• http://transport.maharashtra.gov.in या संकेतस्थळावर जा.

• Apply High Security Registration Plate Online यावर क्लिक करा.

• Order HSRP असे टाकल्यानंतर वाहनाचा रजिस्ट्रेशन नंबर, इंजिन नंबर, चेसीस नंबर आणि मोबाईल नंबर टाका.

• स्क्रीनवर पेमेंटचा ऑप्शन दिसेल, वाहनाच्या अनुसार शुल्क करा.

• पेमेंट केल्यानंतर रिसिप्ट मिळेल. त्यानंतर जवळच्या एजन्सीत अपॉइंटमेंट बुक होईल.

• अपॉइंटमेंट असलेल्या तारखेला एजन्सीमध्ये जाऊन नंबर प्लेट घ्या.