Operation Sindoor : ऑपरेशन सिंदूरमध्ये सहभागी सैनिकांना सन्मान, १६ बीएसएफ जवांनाना शौर्य पुरस्कार प्रदान

Gallantry Awards : ऑपरेशन सिंदूरदरम्यान अतुलनीय शौर्य आणि पराक्रम दाखवल्याबद्दल सीमा सुरक्षा दलाच्या म्हणजेच बीएसएफच्या सोळा जवानांना शौर्य पदक प्रदान करण्यात आले आहे. शौर्य पदक प्रदान करण्यात आलेल्या जवानांमध्ये सब इन्स्पेक्टर व्यास देव, कॉन्स्टेबल सुद्दी राभा, अभिषेक श्रीवास्तव, सहाय्यक, सेनानायक आणि कॉन्स्टेबल भूपेंद्र बाजपेयी यांचा समावेश आहे.

केंद्र सरकारने ७९ व्या स्वातंत्र्यदिनाच्या पूर्वसंध्येला शौर्य पदकांबाबतची घोषणा केली. बीएसएफच्या सोशल मीडिया अकाउंटवर यासंबंधित पोस्ट शेअर करण्यात आली. 'या स्वातंत्र्यदिनी, १६ शूर सीमा रक्षा दलातील जवानांना ऑपरेशन सिंदूर दरम्यान त्यांच्या अदम्य शौर्य आणि अतुलनीय पराक्रम दाखवल्याबद्दल शौर्य पदक प्रदान केले जात आहे. ही पदके भारतीय सीमा सुरक्षा दलावरील देशाच्या विश्वासाचे प्रतीक आहेत, असे पोस्टमध्ये म्हटले आहे.

केंद्र सरकारने १६ बीएसएफ जवानांना शौर्य पदके प्रदान केली आहेत. यात एक उप कमांडंट रँक अधिकारी, दोन सहाय्यक कमांडंट आणि एक निरीक्षक यांचा समावेश आहे.

• १. उपनिरीक्षक व्यास देव

• २. कॉन्स्टेबल सुद्दी राभा

• ३. अभिषेक श्रीवास्तव, सहाय्यक कमांडंट

• ४. कॉन्स्टेबल भूपेंद्र बाजपेयी

• ५. कॉन्स्टेबल राजन कुमार

• ६. कॉन्स्टेबल बसवराज शिवप्पा सुनकडा

• ७. हेड कॉन्स्टेबल ब्रिज मोहन सिंग

• ८. कॉन्स्टेबल देपेश्वर बर्मन

• ९. इन्स्पेक्टर उदय वीर सिंग

• १०. रवींद्र राठोड, उपकमांडंट

• ११. इन्स्पेक्टर देवी लाल

• १२. हेड कॉन्स्टेबल साहिब सिंग

• १३. कॉन्स्टेबल कंवर सिंग

• १४. एएसआय राजप्पा बी टी

• १५. कॉन्स्टेबल मनोहर झलक्सो

• १६. आलोक नेगी, सहाय्यक कमांडंट

२२ एप्रिल रोजी काश्मीर खोऱ्यामधील पहलगाम येथे दहशतवादी हल्ला झाला होता. या दहशतवादी हल्ल्याला प्रत्त्युतर म्हणून भारताने ऑपरेशन सिंदूर राबवले होते. या ऑपरेशन अंतर्गत ७ ते १० मे दरम्यान भारताने पाकिस्तान आणि पाकव्याप्त काश्मीरमधील दहशतवादी आणि लष्करी तळांना लक्ष्य केले होते. या हल्ल्यात अनेक दहशतवादी मारले गेले होते.