HSRP Number Plate : HSRP नंबरप्लेट अजून लावली नाही, नव्या वर्षात भरावा लागणार १०,००० रुपयांचा दंड, वाचा सविस्तर

राज्यातील सर्व वाहनांना एचएसआरपी नंबरप्लेट बसवणे अनिवार्य आहे.एचएसआरपी नंबरप्लेट बसवण्यासाठी फक्त १ दिवसाची मुदत बाकी आहे. जर तुम्ही एचएसआरपी नंबरप्लेट बसवली नाही तर तुम्हाला दंड भरावा लागणार आहे. त्यामुळे ज्यांनी अजूनही नंबरप्लेट बसवली नाही त्यांनी आजच रजिस्ट्रेशन करा.

राज्यातील जवळपास ४० लाखांपेक्षा जास्त वाहनधारकांनी एचएसआरपी नंबरप्लेट बसवलेली नाही. त्यामुळे आता मुदतवाढ देण्याची शक्यता आहे. दरम्यान, जर तुम्ही नंबरप्लेट बसवली नाही तर तुम्हाला १०,००० रुपयांचा दंड भरावा लागू शकतो.

१ एप्रिल २०१९ पूर्वी सर्व वाहनांना एचएसआरपी नंबरप्लेट बसवणे अनिवार्य आहेत. आतापर्यंत नंबरप्लेट बसवण्यासाठी अनेकदा मुदतवाढ देण्यात आली. राज्यातील जवळपास ३२ टक्के वाहनधारकांनी अजूनही एचएसआरपी नंबरप्लेट बसवलेली नाही. या वाहनधारकांना फक्त एका दिवसात एचएसआरपी नंबरप्लेट (HSRP Number Plate) बसवणे अशक्य आहे त्यामुळे मुदतवाढ दिली जाऊ शकते.

प्रत्येकवेळी १००० रुपयांचा दंड

राज्यातील जवळपास १ कोटी वाहनधारकांनी एचएसआरपी नंबरप्लेट बसवली आहे. आणखी ३५ टक्के वाहने बाकी आहे. त्यांच्यासाठी ३१ डिसेंबरची मुदत आहे.मुदतीनंतरही एचएसआरपी नंबरप्लेट न बसवल्यास १००० रुपयांपर्यंतचा दंड होऊ शकतो, असं परिवहन आयुक्त विवेक भीमनवार यांनी सांगितलं. दरम्यान, मूळ नंबरप्लेट बसवून पुन्हा एकदा फॅन्सी नंबरप्लेट बसवल्यास वाहनाला ५०० रुपयांचा दंड भरावा लागेल. हा दंड वाढत जाईल.