Employee Layoff : नोकरी सांभाळा! TCSनंतर आणखी एका बड्या कंपनीत नोकर कपात; अनेकांना नोटीस न देताच कामावरून काढलं

Employee Layoff update : TCSनंतर आणखी एका बड्या कंपनीत नोकर कपात करण्यात आलीये. अनेकांना नोटीस न देताच कामावरून काढण्यात आल्याचं समोर आलंय.
Employee Layoff
Employee Layoff update Saam tv
Published On

भारतातील सर्वात मोठी आयटी कंपनी टाटा कन्सल्टन्सी सर्व्हिसेस (TCS)नंतर मोठी टेक कंपनी गुगल (Google)मध्येही नोकर कपात करण्याचा निर्णय घेण्यात आला आहे. या कंपनीने क्लाऊड डिव्हिजनमधून १०० कर्मचाऱ्यांना कामावरून काढून टाकलं आहे. कंपनी आता ऑपरेटिंग कॉस्ट कमी करण्याचा प्रयत्न करत आहे. दुसरीकडे कंपनी आर्टिफिशियल इंटेलिजेन्सला (AI) अधिक प्राधान्य दिलं जात आहे. कंपनीने काढलेल्या कर्मचारी हे डिझाइन आणि यूजर एक्सपीरियन्स रिसर्च विभागात काम करत होते. त्यांच्यावर प्रॉडक्ट रिसर्च, यूजर डेटाचं विश्लेषण करणे आणि नव्या सुविधांचा विकास करणे याची जबाबदारी होती.

गुगल कंपनीचा क्लाऊड डिव्हिजन चांगली नफा मिळवत आहे. या वर्षीच्या २०२५ सालच्या दुसऱ्या तिमाहीत गुगल क्लाउडची कमाई १३.६ अब्ज डॉलर राहिली आहे. मागील वर्षीच्या तुलनेत ३२ टक्के कमाई अधिकची झाली आहे. या डिव्हिजन ऑपरेटिंग नफा वाढून २.८ अब्ज डॉलर इतका पोहोचला आहे.

Employee Layoff
Child Safety Alert : कफ सिरप प्यायल्याने ६ चिमुकल्यांचा मृत्यू; २ औषधांवर तात्काळ बंदी, धक्कादायक कारण समोर

कंपनीने आता खर्च कमी करणे आणि संसाधनाच्या पुनर्वाटपावर लक्ष केंद्रीत केलं आहे. गुगलने एआय केंद्रीत धोरणाचा भाग नसलेले विभाग कमी करत असल्याचे पाहायला मिळत आहे. कंपनी जुन्या कामाच्या जुन्या कामाच्या पद्धतींपासून एआय आणि नवीन तंत्रज्ञानावर जबाबदाऱ्यांकडे वळत आहे.

Employee Layoff
Maharashtra Politics : संजय राऊतांचे झोंबणारे बाण, शिंदेसेना हैराण; मेळाव्याआधी पुन्हा खऱ्या शिवसेनेवरून वाद,VIDEO

गुगलचा एआयकडे कल वाढला

गुगलने आर्टिफिशियल इंटेलिजेन्सला प्राधान्य दिलं आहे. यासाठी कंपनीने यूएस आधारित यूनिट्समधील कर्मचाऱ्यांना स्वेच्छानिवृत्ती पॅकेजेस देण्यात सुरुवात केलीये. या व्यतिरिक्त मॅनेजमेंटमधील एक तृतीयांश कर्मचाऱ्यांची कपात करण्यात आली आहे. ही प्रक्रिया पूर्णपणे शांततेत पार पाडली आहे. रिपोर्टनुसार, काही कर्मचाऱ्यांना इतर टीममध्ये ट्रान्सफर करण्याचा पर्याय सुचवला आहे. तर काही जणांना थेट राजीनान्यासाठी सूचना देण्यात आल्या आहेत.

कंपनीतील काही कर्मचाऱ्यांना नोकरी गेल्याची कोणतीही पूर्वसूचना मिळाली नव्हती. त्यांना इतरत्र तयारीसाठी कोणताही वेळ मिळाला नाही. एका कर्मचाऱ्याने सांगितलं की, 'तो अमेरिकेत ०-१ व्हिसावर काम करत होता. या व्हिसावर फक्त ६० दिवसांत दुसरी नोकरी शोधावी लागते किंवा अमेरिका सोडावी लागते.

Employee Layoff
Ladki Bahin Yojana ekyc : पती, वडीलांचे e-KYC बंधनकारक; लाडकींची संख्या आणखी घटणार? वाचा स्पेशल रिपोर्ट

कंपनीने काही कर्मचाऱ्यांना इतर विभागांमध्ये नोकरीसाठी अर्ज करण्यासाठी डिसेंबरच्या सुरुवातीचा आठवड्याची मुदत दिली आहे. या प्रकरानंतर कंपनीच्या निर्णयाविरोधात सोशल मीडियावर टीका केली जात आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com