EPFO कर्मचाऱ्यांसाठी आनंदाची बातमी; UPI आणि एटीएममधून काढता येणार PF; वाचा स्टेप बाय स्टेप प्रोसेस

संघटित क्षेत्रात काम करणाऱ्या कर्मचाऱ्याचे पीएफ अकाउंट असते. पीएफ अकाउंटमध्ये दर महिन्याला पगारातील एक ठरावीक रक्कम जमा केली जाते. दरम्यान, आता ईपीएफओ कर्मचाऱ्यांना यूपीआयमधून प्रोव्हिडंट फंड काढता येणार आहे. यामुळे कर्मचाऱ्यांना खूप फायदा होणार आहे.

मिडिया रिपोर्टनुसार, श्रम मंत्रालय सध्या या सिस्टीमवर काम करत आहे. यूपीआयमधून सध्याच्या पीएफ बॅलेंसमधून ७५ टक्के रक्कम काढता यावी, यासाठी काम सुरु आहे. याचसोबत मोबाईल अॅप आणि ईपीएफओ पोर्टलवर यासाठी विंडो तयार केली जाणार आहे.

कधीपासून सुरु होणार प्रोसेस? (EPFO 3.0 Starting Date)

सध्या श्रम मंत्रालय EPFO 3.0 वर काम करत आहे. लवकरच ही सेवा सुरु केली जाईल. हा अॅप एप्रिल महिन्यात लाँच होण्याची शक्यता आहे. याद्वारे तुम्ही अवघ्या काही मिनिटांत पीएफचे पैसे काढू शकतात.

सध्या ईपीएफओ या सिस्टीमच्या तांत्रिक गोष्टी चेक केल्या जात आहे. हे अॅप सर्वांसाठी सुरु करण्याआधी टेस्टिंग सुरु आहे. १०० डमी अकाउंटवर सिस्टीमची टेस्टिंग सुरु आहे. सध्या यूएएन पोर्टल, उमंग अॅपवर तुम्ही पीएफसंदर्भात सर्व कामे करु शकतात.

प्रोसेस कशी असणार? (EPFO 3.0 PF Withdrawal Through UPI Process)

ईपीएफओ 3.0 द्वारे तुम्ही यूपीआय आणि एटीएममधून पैसे काढता येणार आहे. यामध्ये तुमचे पीएफ अकाउंट आणि यूपीआय आयडी लिंक्ड असू शकते. याचसोबत तुम्हाला ईपीएफओकडून एक कार्ड दिले जाऊ शकते. या कार्डद्वारे तुम्ही एटीएममधून पीएफचे पैसे काढू शकतात. दरम्यान, याबाबत अजूनही कोणतीही अधिकृत माहिती समोर आलेली नाही. लवकरच सरकार अपडेट देईल, असं सांगितलं जात आहे.