EPFO चा ऐतिहासिक निर्णय; आता UPI द्वारे पीएफ काढता येणार?

आता तुमच्या हक्काच्या पीएफचे पैसे काढण्यासाठी तुम्हाला बँक आणि कार्यालयांचे उंबरठे झिजवण्याची किंवा तीन-चार दिवस वाट पाहण्याची गरज नाही. कारण EPFO आता थेट 'UPI' द्वारे पैसे काढण्याची सुविधा सुरू करतेय...गुगल पे, फोन पे किंवा पेटीएमवरून जसे आपण पैसे ट्रान्सफर करतो, अगदी तसंच आता पीएफचा निधी तुमच्या बँक खात्यात क्षणार्धात जमा होणार आहे. ही नवी सेवा कधीपासून सुरू होणार आणि पैसे कसे काढता येणार? पाहूयात...

एप्रिल 2026 पासून UPI द्वारे पीएफचे पैसे काढता येणार

तांत्रिक पडताळणीसाठी 100 डमी खात्यांची चाचणी सुरु

कर्मचाऱ्यांना 75 टक्क्यांपर्यंत निधी त्वरित काढता येणार

3 दिवसांच्या प्रक्रिये ऐवजी पैसे त्वरीत बँक खात्यात जमा होणार

पीएफचे पैसे आजारपण, लग्न, शिक्षण, घर दुरुस्तीसाठीच काढता येणार

पैसे काढण्यासाठी EPFO पोर्टलवर जाऊन योग्य कारण निवडा

त्यानंतर UPI आयडी टाकून पिनच्या साहाय्याने पडताळणी केली जाणार

नवीन सुविधेमुळे कर्मचाऱ्यांना फक्त पैसेच काढता येणार नाहीत, तर यूपीआयच्या माध्यमातून आपले पीएफ पासबुक आणि शिल्लक रक्कमही पाहता येईल. त्यामुळे आर्थिक चणचण भासल्यास आता पीएफ फंड खऱ्या अर्थाने 'संकटमोचक' ठरणार आहे. मात्र हक्काचे पैसे मोबाईलच्या एका क्लिकवर मिळणार असताना सायबर सुरक्षेच्या दृष्टीनं पाऊल उचलणंही तितकचं महत्त्वाचं आहे...