दिवसाढवळ्या तरुणाची गोळ्या झाडून हत्या; गोळीबाराचा थरार CCTV कॅमेऱ्यात कैद, VIDEO

उत्तर प्रदेशमध्ये पुन्हा एकदा गोळीबाराची घटना घडली आहे. ग्रेटर नोएडाच्या एकोटेड-1 पोलीस स्टेशनच्या हद्दीत दिवसाढवळ्या एका तरुणाची तिघांनी गोळ्या झाडून हत्या केली आहे. तरुणाच्या हत्येची घटना सीसीटीव्ही कॅमेऱ्यात कैद केली आहे. या प्रकरणाचा तपास पोलिसांनी सुरू केला आहे. आरोपींची ओळख पटवून त्यांना अटक करण्यासाठी पोलिसांनी तपास सुरू केला आहे.

गोळीबाराच्या घटनेनंतर परिसरातील सुरक्षा वाढवण्यात आली आहे. घटनेची माहिती मिळताच पोलिसांची तपास यंत्रणा घटनास्थळी पोहोचली आहे. पोलिसांनी दिलेल्या माहितीनुसार, हत्या करण्यात आलेल्या तरुण हा लुक्सर गावात राहणार आहे. गोळीबाराची घटना मंगळवारी दुपारी झाली. तिघांनी घराबाहेर घुसून गोळीबार केला.

पोलिसांनी दिलेल्या माहितीनुसार, तरुणाच्या छाती आणि शरीराच्या इतर भागावर गोळी लागली. त्यामुळे तरुणाचा जागीच मृत्यू झाला आहे. घटनेनंतर आरोपी घटनास्थळावरून फरार झाला आहे.

जुन्या वैमनस्यातून तरुणाची हत्या

जुन्या वैमनस्यातून तिघांनी तरुणाची गोळ्या झाडून हत्या केल्याचं समोर आलं आहे. हत्या करण्यात आलेला तरुण तुरुंगात होता. तुरूंगातून सुटल्यानंतर तिघांनी त्याची हत्या करण्याचा कट रचला होता. त्यानुसार, तिघांनी त्याची हत्या केली.

नितीन असे हत्या झालेल्या तरुणाचे नाव आहे. गोळीबारात जखमी झाल्यानंतर त्याला तातडीने रुग्णालयात दाखल करण्यात आले. परंतु उपचारादरम्यान नितीनचा मृत्यू झाला. घटनास्थळी फोरेन्सिक पथक पोहोचलं असून त्यांनी पुढील तपास सुरू केला आहे.

तत्पूर्वी, तरुणाच्या हत्येनंतर परिसरातील नागरिकांमध्ये भीतीचं वातावरण पसरलं आहे. स्थानिक नागरिकांकडून कडक कारवाईची मागणी केली जात आहे. हत्येचा घटनेनंतर पोलीस काय करतात, हे पाहावे लागेल.